នៅរសៀលថ្ងៃទី២១ខែវិច្ឆិកានៅសណ្ឋាគារមួយនៅក្រុងកូឡាលំពួរ លោកLi Keqiangនាយករដ្ឋមន្រ្តីចិនបានជួបពិភាក្សាការងារប្រចាំឆ្នាំតាមពេលកំណត់ជាមួយលោកMalcolm Turnbullនាយករដ្ឋមន្រ្តីអូស្រា្តលី។
លោកLi Keqiangបានថ្លែងថា ភាគីចិនរីករាយក្នុងការរួមសហការជាមួយភាគីអូស្រា្តលី ដើម្បីបង្កើនការជឿទុកចិត្តគ្នាផែ្នកនយោបាយ និងត្រួសត្រាយកិច្ចសហប្រតិបត្តិការដែលផ្តល់ផលប្រយោជន៍ដល់គ្នាក៏ដូចជាដោះស្រាយដោយសមរម្យនូវការខ្វែងគំនិតគ្នា សំដៅជំរុញទំនាក់ទំនងរវាងចិននិងអូស្រា្តលីឲ្យឡើងដល់កម្រិតថ្មី។ លោកបានថ្ែលងទៀតថា ភាគីចិនរីករាយក្នុងការរួមសហការជាមួយភាគីអូស្រា្តលី ខិតខំសម្រេចបានឆាប់ៗនូវកិច្ចព្រមព្រៀងពាណិជ្ជកម្មសេរីរវាងចិននិងអូស្រ្តាលីដើម្បីទទួលបានសុពលភាពនៅមុនដំណាច់ឆ្នាំនេះ។ ភាគីចិនស្វាគមន៍សហគ្រាសអូស្រ្តាលីកាន់តែច្រើនមកធ្វើការវិនិយោគទុននៅប្រទេសចិន ហើយក៏សង្ឃឹមភាគីអូស្ត្រាលីអាចផ្តល់ភាពងាយស្រួលកាន់តែច្រើនដល់សហគ្រាសចិនផងដែរ។
ជាការឆ្លើយតប លោកTurnbullបានថ្លែងថា ភាគីអូស្រ្តាលីរីករាយក្នុងការរួមសហការជាមួយភាគីចិន ក្នុងន័យបង្កើនថែមទៀតនូវការយោគយល់គ្នា និងបង្កើនកិច្ចសហប្រតិបត្តិការផ្នែកនយោបាយ សេដ្ឋកិច្ចនិងមនុសាស្រ្តជាដើម ដើម្បីជំរុញទំនាក់ទំនងរវាងអូស្រ្តាលីនិងចិនឲ្យឡើងដល់កម្រិតថ្មី ក៏ដូចជាផ្តល់សុភមង្គលដ៏ប្រាកដប្រជាដល់ប្រជាជននៃប្រទេសទាំង២៕
