ដោយតបតាមសេចក្តីអញ្ជើញរបស់លោកNajib Tun Razak នាយករដ្ឋមន្រ្តីម៉ាឡេស៊ី ដែលជាប្រទេសប្រធានតាមវេននៃសម្ព័ន្ធអាស៊ាន លោកLi Keqiang នាយករដ្ឋមន្រ្តីចិនបានធ្វើដំណើរអញ្ជើញទៅដល់ព្រលានយន្តហោះអន្តរជាតិSepang ក្រុងគូឡាលំពួរ ប្រទេសម៉ាឡេស៊ីនៅយប់ថ្ងៃទី ២០ ខែវិចិ្ឆកា តាមម៉ោងម៉ាឡេស៊ី ។ លោកLi Keqiangនឹងអញ្ជើញចូលរួមសន្និសីទថ្នាក់ដឹកនាំ ១០ បូក ១ រវាងចិននិងអាស៊ានលើកទី ១៨ សន្និសីទថ្នាក់ដឹកនាំ ១០ បូក ៣ រវាងចិននិងអាស៊ានលើកទី ១៨ និងសន្និសីទកំពូលអាស៊ីខាងកើតលើកទី ១០ ព្រមនិងបំពេញទស្សនកិច្ចជាផ្លូវការនៅប្រទេសម៉ាឡេស៊ី ។ លោកជំទាវCheng Hong ភរិយារបស់លោកLi Keqiangបានអមដំណើរអញ្ជើញទៅដល់ម៉ាឡេស៊ីផងដែរ ។
មន្រ្តីជាន់ខ្ពស់នៃរដ្ឋាភិបាលម៉ាឡេស៊ីដូចជាលោកLiow Tiong Lai រដ្ឋមន្រ្តីក្រសួងគមនាគមន៍ម៉ាឡេស៊ីជាដើមបានទៅដល់ព្រលានយន្តហោះដើម្បីទទួលស្វាគមន៍លោកLi Keqiang ។ ហើយឯកអគ្គរដ្ឋទូតចិនប្រចាំនៅម៉ាឡេស៊ី និងឯកអគ្គរដ្ឋទូតចិនប្រចាំអាស៊ានក៏ទៅទទួលស្វាគមន៍លោកLi Keqiang នៅព្រលានយន្តហោះដែរ ៕
