កាលពីថ្ងៃទី២ខែកញ្ញា លោក Xi Jinping ប្រធានរដ្ឋចិនបានជួបពិភាក្សាការងារជាមួយអ្នកដឹកនាំបរទេសនិងអ្នកទទួលខុសត្រូវនៃអង្គការអន្តរជាតិដែលអញ្ជើញមកចូលរួមសកម្មភាពរំលឹកខួបទី ៧០ នៃជ័យជំនះរបស់ប្រជាជនចិនក្នុងសង្គ្រាមប្រឆាំងការឈ្លានពានរបស់ជប៉ុននិងសង្គ្រាមប្រឆាំងហ្វាស៊ីសពិភពលោកក្នុងពេលជាមួយគ្នានៅសណ្ឋាគារភ្ញៀវជាតិ Diao yu tai នាទីក្រុងប៉េកាំង ។
លោក Xi Jinping បានសំដែងការស្វាគមន៍យ៉ាងកក់ក្តៅចំពោះអ្នកដឹកនាំបរទេសនិងអ្នកទទួលខុសត្រូវនៃអង្គការអន្តរជាតិដែលអញ្ជើញមកចូលរួមសកម្មភាពរំលឹកខួបទី ៧០ នៃជ័យជំនះរបស់ប្រជាជនចិនក្នុងសង្គ្រាមប្រឆាំងការឈ្លានពានរបស់ជប៉ុននិងសង្គ្រាមប្រឆាំងហ្វាស៊ីសពិភពលោក ។ លោក Xi Jinping បង្ហាញថា លោក លោកស្រីដែលអញ្ជើញមកចូលរួមសកម្មភាពរំលឹកខួបទី ៧០ នៃជ័យជំនះរបស់ប្រជាជនចិនក្នុងសង្គ្រាមប្រឆាំងការឈ្លានពានរបស់ជប៉ុននិងសង្គ្រាមប្រឆាំងហ្វាស៊ីសពិភពលោកនៅទីក្រុងប៉េកាំងនេះ បានបង្ហាញយ៉ាងពេញលេញការគាំទ្រដ៏ពិតប្រាកដចំពោះការរៀបចំសកម្មភាពរំលឹកខួបរបស់ប្រទេសចិននិងបង្ហាញឲ្យឃើញពីមនោសញ្ចេតនាដ៏ជ្រាលជ្រៅចំពោះប្រជាជនចិន ជាងនេះទៀតគឺបង្ហាញឲ្យឃើញពីការគោរពចំពោះប្រវត្តិសាស្ត្រនិងការយកចិត្តទុកដាក់និងឲ្យតម្លៃចំពោះសន្តិភាព ចងចាំនូវប្រវត្តិសាស្ត្រ រំលឹកវីរជនពលីជីវិត គាំពារសន្តិភាពនិងត្រួសត្រាយអនាគតថ្មី ។
