ថ្ងៃទី ១៤ ខែសីហា ពេលផ្តល់បទសម្ភាសន៍ជាមួយអ្នកយកព័ត៌មានអំពីសេចក្តីថ្លែងការណ៍របស់លោកស៊ីនហ្សូ អាបេ នាយករដ្ឋមន្ត្រីជប៉ុនអំពីខួបទី ៧០ ក្រោយសង្គ្រាមលោកលើកទីពីរ លោកស្រី Hua Chunying អ្នកនាំពាក្យក្រសួងការបរទេសចិនបានថ្លែងថា ប្រទេសជប៉ុនត្រូវតែធ្វើការពន្យល់ឲ្យបានច្បាស់លាស់អំពីធាតុពិតនៃសង្គ្រាមឈ្លានពានរបស់យោធានិយមនិងទំនួលខុសត្រូវនៃសង្គ្រាមនោះ ព្រមទាំងធ្វើការសុំអភ័យទោសយ៉ាងស្មោះចំពោះប្រជាជននៃប្រទេសរងគ្រោះ គឺមិនត្រូវធ្វើការបិទបាំងអ្វីនៅលើបញ្ហាគោលការណ៍ដ៏សំខាន់នោះឡើយ ។
លោកស្រីបានថ្លែងទៀតថា សង្គ្រាមឈ្លានពានដែលបង្កដោយយោធានិយមជប៉ុនបាននាំមកនូវគ្រោះមហន្តរាយយ៉ាងធ្ងន់ធ្ងរដល់ប្រជាជននៃប្រទេសចិននិងប្រទេសអាស៊ី ផ្សេងទៀតដែលរងគ្រោះដោយសារសង្គ្រាម ។ ការទទួលស្គាល់ការពិតនៃប្រវត្តិសាស្រ្តសង្គ្រាមលើកទីពីរដោយឥរិយាបថត្រឹមត្រូវ គឺជាសំណូមពរដើម្បីចងចាំប្រវត្តិសាស្រ្តនិងគាំពារសច្ចៈយុតិ្តធម៌ និងជាមូលដ្ឋានដ៏សំខាន់សម្រាប់កែលំអទំនាក់ទំនងរវាងប្រទេសជប៉ុននិងប្រទេសជិតខាងក្នុងទ្វីបអាស៊ី ថែមទាំងជាលក្ខខណ្ឌជាមុនសម្រាប់ការត្រួសត្រាយអនាគតដ៏ល្អបវរផងដែរ ។
