កាលពីខែកក្កដា សមាគមមួយដែលរៀបចំឡើងដោយមានអ្នកយកព័ត៌មាន៥១រូបដែលមកពីទីភ្នាក់ងារព័ត៌មាននិងស្ថានីយទូរទស្សន៍បានទៅប្រមូលយកសំណើរស្តីអំពីលោកShinzoAbeនាយករដ្ឋមន្ត្រីជប៉ុនពីសំណាក់អតីតនាយករដ្ឋមន្ត្រីជប៉ុនចំនួន១២រូប។អតីតនាយករដ្ឋមន្ត្រីទាំង១២រូបធ្វើការរិះគន់ចំពោះលោកShinzoAbeបានមើលងាយប្រជាពលរដ្ឋ រំលោភច្បាប់រដ្ឋធម្មនុញ្ញនិងទាមទារឲ្យដកចេញវិញភ្លាមច្បាប់ការពារសន្តិសុខ។ក្នុងនោះ មានអតីតានាយករដ្ឋមន្ត្រី៥រូបបានឆ្លើយតប។
អតីតានាយរកដ្ឋមន្ត្រី៥រូបសុទ្ធតែប្រឆាំងទៅនឹងច្បាប់ការពារសន្តិសុខ។លោកHosokawaMorihiroបានវែកញែកថា ទង្វើរបស់រដ្ឋាភិបាលShinzoAbeដែលលុបចោលការហាមឃាត់ការប្រើសិទ្ធិស្វ័យការពារជាសមូហភាពដោយការកែប្រែការបកស្រាយរដ្ឋធម្មនុញ្ញគឺជាការមិនគោរពចំពោះច្បាប់រដ្ឋធម្មនុញ្ញ។លោកTomiichiMurayamaបានរិះគន់ទៅលើអាកប្បកិរិយារបស់លោកShinzoAbeដែលបង្ខំអនុម័តច្បាប់ការពារសន្តិសុខ ដោយមិនអើពើនឹងការប្រឆាំងរបស់ប្រជាពលរដ្ឋការនេះមិនអាចអត់ទោសឲ្យបានឡើយ។លោកHataTsutomuបានអំពាវនាវឲ្យបន្តរក្សាការពារទឹកដីជប៉ុនពីដែលកំពុងស្ថិតក្នុងដៃរបស់លោកShinzoAbe។លោកKanNaohitoបានរិះគន់លោកអាបេថា បានល្មើសទៅនឹងច្បាប់រដ្ឋធម្មនុញ្ញ ហើយគ្មានលក្ខណៈសម្បត្តិធ្វើជានាយករដ្ឋមន្ត្រីនៃប្រទេសប្រជាធិបតេយ្យនោះទេ និងទាមទារឲ្យលោកShinzoAbeសុំលាលែងពីមុខតំណែងដោយឡែក។លោកHatoyamaYukioបានទាមទារឲ្យលោកShinzoAbeធ្វើសេចក្តីសម្រេចឲ្យបានត្រឹមត្រូវនិងប្តូរផ្លាស់ពីការកសាងប្រទេសបែបសង្គ្រាមទៅជាការកសាងប្រទេសដោយសន្តិភាព៕
