ថ្ងៃទី ៦ ខែមីនា លោក Zhang Zhijun ប្រធានការិយាល័យកិច្ចការតៃវ៉ាន់នៃមជ្ឈឹមបក្សកម្មុយនិសចិន និងជាប្រធានកិច្ចការតៃវ៉ាន់នៃក្រុមប្រឹក្សាកិច្ចការរដ្ឋចិនបានអញ្ជើញចូលរួមក្នុងកិច្ចប្រជុំពេញអង្គនៃក្រុមតៃវ៉ាន់ទាំងអស់ដែលអញ្ជើញចូលរួមក្នុងមហាសន្និបាតលើកទី ៣ នៃសភាតំណាងប្រជាជនទូទាំងប្រទេសចិននីតិកាលទី ១២។ បន្ទាប់ពីបានស្តាប់ការបញ្ចេញមតិរបស់តំណាងគ្រប់រូប លោកបានថ្លែងថា សន្ទរកថាដ៏សំខាន់ស្តីអំពីកិច្ចការតៃវ៉ាន់ថ្មីបំផុតរបស់លោក ស៊ី ជីនភីង អគ្គលេខាធិការមជ្ឈឹមបក្សកម្មុយនិសចិនបានចង្អុលយ៉ាងច្បាស់នូវទឹសដៅធ្វើការងារចំពោះតៃវ៉ាន់ ដូចនេះ យើងត្រូវខិតខំរៀនសូត្រនិងយល់ច្បាស់យ៉ាងជ្រាលជ្រៅហើយនិងអនុវត្ត។ ត្រូវខិតខំធ្វើអោយបានល្អនូវការងារពាក់ព័ន្ធនឹងតៃវ៉ាន់។
លោក Zhang Zhijun បានថ្លែងថា ថ្ងៃទី ៤ ខែមីនា លោក ស៊ី ជីនភីង អគ្គលេខាធិការមជ្ឈឹមបក្សកម្មុយនិសចិនបានថ្លែងសន្ទរកថាដ៏មានសារៈសំខាន់ស្តីអំពីការងារពាក់ព័ន្ធនឹងតៃវ៉ាន់។ ថ្ងៃទី ៥ ខែមីនា លោក លី ខឺឈាំង នាយករដ្ឋមន្ត្រីចិនបានធ្វើការអធិប្បាយថែមទៀតអំពីការងារពាក់ព័ន្ធនឹងតៃវ៉ាន់ក្នុងពេលលោកថ្លែងរបាយការណ៍ការងាររដ្ឋាភិបាលចិន។ សន្ទរកថានិងរបាយការណ៍ទាំងនេះ បានបង្ហាញ នូវគោលលំនាំមូលដ្ឋាន របស់បក្សនិងរដ្ឋាភិបាលអំពីការបន្តជំរុញការអភិវឌ្ឍន៍ដោយសន្តិភាពនៃទំនាក់ទំនងត្រើយទាំងសងខាង គោលជំហច្បាស់លាស់ដែលប្រឆាំងយ៉ាងដាច់ខាតទៅនឹងទង្វើបំបែកបំបាក់ចង់អោយ "តៃវ៉ាន់ឯករាជ្យ " និងទំនុកចិត្តយ៉ាងពេញទំហឹងចំពោះការសម្រេចការងើបឡើងវិញរបស់ជនជាតិនិងការបង្រួបបង្រួមមាតុប្រទេសដោយសន្តិភាព។ សន្ទរកថានិងរបាយការណ៍មានលក្ខណៈដៅចំពោះយ៉ាងជាក់ច្បាស់ចំពោះសភាពការណ៍ថ្មីៗសម្រាប់ទំនាក់ទំនងត្រើយទាំងសងខាង បានចង្អុលយ៉ាងច្បាស់នូវការធ្វើការងារពាក់ព័ន្ធនឹងតៃវ៉ាន់ ហើយបាននាំមកនូវការឆ្លើយតបដ៏សកម្មនិងកក់ក្តៅរបស់ត្រើយទាំងសងខាងនិងសហគមន៍អន្តរជាតិ៕
