ថ្ងៃទី ៤ ខែមិនា លោកស្រី Fu Ying អ្នកនាំពាក្យមហាសន្និបាតលើកទី ៣ នៃសភាតំណាងប្រជាជនទូទាំងប្រទេសចិននីតិកាលទី ១២ បានមានប្រសាសន៍ថា ប្រទេសចិនកំពុងគិតពិចារណាកំណត់ច្បាប់សហការយុត្តិធ៌មព្រហ្មទ័ណ្ឌអន្តរជាតិ ឆ្លៀតប្រើច្បាប់អន្តរជាតិនិងយន្តការអន្តរជាតិដោយពេញលេញ ធ្វើអោយពួកពុករលួយមិនថារត់ទៅដល់កន្លែងណាក៏ត្រូវប្រឈមនឹងការដាក់ទណ្ឌកម្មពីច្បាប់ដែរ ។
លោកស្រី Fu Ying បានថ្លែងថា ប្រទេសចិនបានលេចចេញសុំណុំរឿងនៃអំពើពុករលួយដ៏ធ្ងន់ជាច្រើន បញ្ហាទាំងនេះបានសន្សំទុកជាយូរមកហើយគឺមិនមែនតែមួយថ្ងៃអាចបង្កើតឡើងបាននោះទេ ដូច្នេះ ការដោះស្រាយបញ្ហាទាំងនេះចាំបាច់ត្រូវចាត់វិធានការរឹងមាំ ដើម្បីគ្រប់គ្រងពីខាងក្នុងនិងពីខាងក្រៅ ។ ដោយឡែកទិសដៅរបស់សភាតំណាងប្រជាជនទូទាំងប្រទេសនិងគណៈកម្មាធិការអចិន្ត្រៃយ៍ សំខាន់គឺត្រូវបង្កើនការកសាងរបបប្រឆាំងអំពើពុករលួយ បង្កើតបរិយាកាសគ្រប់គ្រងដោយច្បាប់មួយ ដែលធ្វើអោយពួកគេមិនហ៊ានពុករលួយ មិនអាចពុករលួយនិងមិនចង់ពុលរលួយ ។
