បន្ទាប់ពីត្រូវតែងតាំងជាប្រធានរដ្ឋចិនកាលពីខែមីនា ឆ្នាំ២០១៣ រហូតមកទល់បច្ចុប្បន្ននេះ ក្នុងរយៈពេលមួយឆ្នាំកន្លះ លោក Xi Jinpingបានទៅបំពេញទស្សនកិច្ចនៅប្រទេសអាមេរិក រុស្ស៊ីនិងទ្វីបអឺរ៉ុប ប្រទេសជិតខាងនៅទ្វីបអាស៊ីបូព៌ា អាស៊ីខាងត្បូងអាស៊ីអាគ្នេយ៍និងអាស៊ីកណ្តាលជាដើម ព្រមនិងប្រទេសកំពុងអភិវឌ្ឍន៍នៅទ្វីបអាហ្វ្រិកនិងអាមេរិកឡាទីនជាដើម ។
សង្កេតមើលពីដំណើរទស្សនកិច្ចខាងលើបានបង្ហាញឲ្យឃើញពីការប្រែប្រួលនិងការមិនប្រែប្រួលនៃថានៈអន្តជាតិរបស់ប្រទេសចិន ពោលគឺទីមួយ ទន្ទឹមនិងកម្លាំងជាតិចិនបានកើនឡើង ប្រទេសចិនចាំបាច់ត្រូវកែសម្រួលតួនាទីរបស់ខ្លួន ដើម្បីកែលំអទំនាក់ទំនងទ្វេភាគីជាមួយប្រទេសធំផ្សេងៗ ហើយធ្វើការពិគ្រោះពិភាក្សាគ្នាអំពីបញ្ហាលើពិភពលោកកាន់តែច្រើន និងទទួលរ៉ាប់រ៉ង់ភារកិច្ចអន្តរជាតិកាន់តែច្រើន ។ ក្រៅពីនេះ ប្រទេសចិនត្រូវប្រកាន់ខ្ជាប់ការកំណត់ថានៈជាប្រទេសកំពុងអភិវឌ្ឍន៍ ប្រកាន់អកប្បកិរិយាយ៉ាងច្បាស់លាស់និងចាត់ធ្វើប្រតិបត្តិការជាក់ស្តែងដើម្បីដោះស្រាយកង្វល់គ្រប់យ៉ាងនៃបណ្តាប្រទេសជិតខាងនិងប្រទេសកំពុងអភិវឌ្ឍន៍ ។
កាលពីខែមីនា ឆ្នាំ២០១៣ លោក Xi Jinping បានទៅបំពេញទស្សនកិច្ចនៅប្រទេសរុស្ស៊ីដែលជាទស្សនកិច្ចនៅក្រៅប្រទេសលើកដំបូងរបស់លោក ។ បន្ទាប់មក នៅខែកុម្ភៈ ឆ្នាំ២០១៤ លោកបានអញ្ជើញទៅបំពេញទស្សនកិច្ចនៅប្រទេសរុស្ស៊ីម្តងទៀតដើម្បីចូលរួមពិធីសម្ពោធបើកការប្រកួតកីឡាអូឡាំពិករដូវរងាក្រុង Sochi នេះបានបង្ហាញឲ្យឃើញពីទំនាក់ទំនងរវាងចិននិងរុស្ស៊ីមានសារៈសំខាន់ណាស់ក្នុងការបង្កើតបរិយាកាសអន្តរជាតិដ៏ល្អ ។
នៅខែមិថុនាឆ្នាំ២០១៣ លោក Xi Jinping និងលោក Obama បានរៀបចំធ្វើការជួបសន្ទនារវាងអ្នកដឹកនាំកំពូលចិននិងអាមេរិកនៅរដ្ឋ California របស់អាមេរិក គឺមានគោលដៅបង្កើតផ្លូវនៃទំនាក់ទំនងរវាងប្រទេសធំៗធុនថ្មីដែលមិនប៉ះទង្គិចគ្នា មិនបដិបក្ខគ្នា គោរពគ្នាទៅវិញទៅមកនិងសហប្រតិបត្តិការនិងឈ្នះជាមួយគ្នា ។
នៅខែមីនាឆ្នាំ២០១៤ លោក Xi Jinping បានទៅបំពេញទស្សនកិច្ចផ្លូវរដ្ឋនៅប្រទេសអឺរ៉ុបបួនហើយបានជួបសន្ទនាជាមួយអ្នកដឹកនាំសម្ព័ន្ធអឺរ៉ុប លោកគូសបញ្ជាក់ថា រួមគ្នាបង្កើតទំនាក់ទំនងដៃគូធំបួនខាងសន្តិភាព កំណើន កំណែទម្រង់និងវប្បធម៌រវាងចិននិងអឺរ៉ុប ។
ក្នុងទស្សនកិច្ច១០លើកមកទល់បច្ចុប្បន្ន ដំណើរពាក់កណ្តាលរបស់លោក Xi Jinping សុទ្ធតែនៅប្រទេសនៅជិតខាង បានគម្រោងគំនិតយុទ្ធសាស្ត្រអំពីតំបន់ខ្សែសេដ្ឋកិច្ចនៅផ្លូវសូត្រនិងផ្លូវសូត្រលើសមុទ្រសតវត្សរ៍ទី២១ ។ យកតំបន់ខ្សែមួយនិងផ្លូវមួយជាស្លាបទាំងពីរ លោក Xi Jinping បានបំពេញទស្សនកិច្ចនៅប្រទេសអាស៊ីកណ្តាល អាស៊ីខាងត្បូងនិងអាស៊ីអាគ្នេយ៍យ៉ាងញឹកញយ ហើយបានបំពេញទស្សនកិច្ចពិសេសនៅប្រទេសអាស៊ីខាងកើតពីរគឺកូរ៉េខាងត្បូងនិងម៉ុងហ្គោលីដូចជាទៅសួរសុខទុក្ខញាតិសន្តានដោយមិនដែលមានកាលពីមុន ។
ក្នុងអំឡុងពេលបំពេញទស្សនកិច្ច លោក Xi Jinping បានផ្សព្វផ្សាយញានទស្សនៈការទូតដែលរាប់អាន ជិតស្និទ្ធ អំណោយផលនិងទ្រាំ បានបង្ហាញឲ្យឃើញគោលបំណងជិតស្និទ្ធដែលបង្កើនការផ្លាស់ប្តូរខាងនយោបាយ ការតភ្ជាប់ផ្លូវថ្នល់ ការទៅមកស្រួលខាងពាណិជ្ជកម្ម ការចល័តរូបិយវត្ថុនិងការទាក់ទងរបស់ចិត្តប្រជាជនជាមួយប្រទេសនានានៅជិតខាង នាំឲ្យមតិតួអង្គរួមខាងវាសនាបង្កើតនៅក្នុងប្រទេសនៅជិតខាង ។
ព្រមជាមួយនេះ ប្រទេសកំពុងអភិវឌ្ឍន៍ដែលយកអាហ្វ្រិកនិងអាមេរិកឡាទីនជាតំណាងបានមានឋានៈសំខាន់ក្នុងដំណើរទស្សនកិច្ចរបស់លោក Xi Jinping នេះជាគំរូសំខាន់ដែលបង្ហាញឲ្យឃើញថា អត្តសញ្ញាណខុសគ្នារបស់ចិននឹងប្រទេសប៉ែកខាងលិច ។
ថ្ងៃទី ៣០ ធ្នូឆ្នាំ ២០១៣ ពេលរៀនសូត្រជាសមូហភាពនៅការិយាល័យនយោបាយមជ្ឈិមបក្សកុម្មុយនិស្តចិន លោក Xi Jinping បានថ្លែងសន្ទរកថា នេះគឺជាលើកទីមួយដែលបានបញ្ជាក់ឲ្យបានច្បាស់លាស់ពីកម្រិតយុទ្ធសាស្រ្តនូវខ្លឹមសារជាពិសេសរបស់រូបភាពប្រទេសចិន បានបញ្ជាក់ច្បាស់ចំពោះគ្រប់មជ្ឈដ្ឋានសង្គមអំពីគោលការណ៍មួយដែលមិនបានយកចិត្តទុកដាក់ជាយូរណាស់មកហើយ ។
ថ្ងៃទី ២៨ ខែមិថុនា ឆ្នាំ ២០១៤ ក្នុងមហាសនិ្នបាតរំលឹកខួបទី ៦០ ដែលបានប្រកាសគោលការណ៍ ៥ ខ នៃការរួមរស់នៅដោយសនិ្តភាព លោក Xi Jinping បានគូសបញ្ជាក់ម្តងទៀតនូវទស្សនៈពិភពលោកដែលមានការណែនាំជាក្រុម និងមានបែបបទប្រទេសចិន ហើយនិងប្លែកពីប្រពៃណីរបសបស្ចិមប្រទេស គឺ សហគមន៍អន្តរជាតិបានក្លាយទៅជាសហគមន៍វាសនា ដែលក្នុងរឿងអ្នកក៍មានខ្ញុំចូលរួម ក្នុងរឿងខ្ញុំក៍មានអ្នកចូលរូមដែរ មានប្រទេសមួយចំនួនកាន់តែសម្បូណ៍ហូហៀ តែប្រទេសមួយចំនួនទៀតមានភាពក្រីក្រពេលយូរ ស្ថានភាពបែបនេះមិនអាចចីរភាពទេ ។ ពេលប្រទេសនានាស្វែងរកការអភិវឌ្ឈន៍របស់ខ្លួន ត្រូវសកម្មជំរុញឲ្យប្រទេសផ្សេងទៀតអភិវឌ្ឈន៍ជាមួយគ្នា ឲ្យប្រជាជនប្រទេសនានាអាចទទួលបានផលផ្លែផ្ការបស់ការអភិវឌ្ឈន៍ដែលកាន់តែច្រើននិងកាន់តែល្អ ។
សេចកី្តសង្ឃឹមចំពោះជីវភាពដ៍ល្អប្រសើររបស់ប្រជាជន គឺជាគោលដៅនៃការខិតខំប្រឹងប្រែងរបស់កិច្ចការទូតរបស់ប្រទេសចិន ។ ក្នុងយុទ្ធសាស្ត្រនិងគំនិងនៃការទូតប្រទេសចិន ពិភពលោកមួយដែលមានប្រទេសកាន់តែច្រើនបំរះខ្លួនចេញផុតពីភាពក្រីក្រក្លាយទៅជាប្រទេសធូរធា មិនមែនពិភពលោកមួយដែលមានតែប្រទេសតិចតួចផ្តាច់ការលទ្ធផលអភិវឌ្ឈន៍ នេះទើបជាអនាគតល្អបវរដែលប្រជាជននៃប្រទេសនានារួមគ្នារងចាំនិងសង្ឃឹម ។
