ថ្ងៃទី២៧ខែសីហា លោកQin Gangអ្នកនាំពាក្យនៃក្រសួងការបរទេសចិនបានឆ្លើយតបនឹងសំណួររបស់អ្នកសារព័ត៌មានស្តីពីពាក្យសម្តីរបស់លោកYasuo Fukudaអតីតនាយករដ្ឋមន្រ្តីជប៉ុនដេើបានលើកឡើងអំពីកិច្ចជំនួបពិភាក្សាការងាររវាងអ្នកដឹកនាំជប៉ុននិងចិន។
ឆ្លើយទៅនឹងសំណយររបស់អ្នកសារព័ត៌មានដែលបានសួរថា តាមដំណឹងឲ្យដឹងថា ពេលថ្លែងសុន្ទរកថានៅក្រុងតូខ្យូកាលពីថ្ងៃទី២៧ខែសីហា លោកYasuo Fukudaអតីតនាយករដ្ឋមន្រ្តីជប៉ុនបានអះអាងថា ក្នុងអំឡុងពេលដែលលោកទៅបំពេញទស្សនកិច្ចនៅប្រទេសចិន លោកធ្លាប់ជួបពិភាក្សាការងារជាមួយអ្នកដឹកនាំចិន ភាគីទាំង២មានក្តីបារម្ភដូចគ្នាអំពីទំនាក់ទំនងជប៉ុននិងចិន ភាគីចិនបានបង្ហា្ញញពីក្តីបំណងចង់កែលម្អទំនាក់ទំនងជាមួយជប៉ុន។ តើភាគីចិនមានការវាយតម្លៃយ៉ាងដូចម្តេចចំពោះរឿងនេះ?
លោកQin Gangបានថ្លែងថា លើបញ្ហាកែលម្អនិងអភិវឌ្ឍន៍ទំនាក់ទំនងរវាងចិននិងជប៉ុន គោលជំហររបស់ភាគីចិនគឺជាក់ច្បាស់ជាប់រហូតមក អត់មានកែប្រែទេ។ ភាគីជប៉ុនគឺយល់ច្បាស់ណាស់អំពីរឿងនេះ។ ដូច្នេះភាគីជប៉ុនគប្បីប្រឈមមុខនឹងការពិតដោយត្រឹមត្រូវនិងបង្ហាញពីសុច្ឆន្ទៈរបស់ខ្លួន ឆ្លងតាមរយៈទង្វើជាក់ស្តែងធ្វើការខិតខំប្រឹងប្រែងដើម្បីបំបាត់ចោលឧបសគ្គនយោបាយដែលប៉ះពាល់ដល់ការអភិវឌ្ឍន៍ទំនាក់ទំនងរវាងប្រទេសទាំង២៕វ
