កាលពីពេលថ្មីៗនេះ គណៈកម្មាធិការអូឡាំពិកអន្តរជាតិបានផ្ញើលិខិតជូនអគ្គស្ថានីយវិទ្យុនិងទូរទស្សន៍មជ្ឈិមចិន ដោយបានសម្តែងការកោតសរសើរនិងថ្លែងអំណរគុណចំពោះអគ្គស្ថានីយវិទ្យុនិងទូរទស្សន៍មជ្ឈិមចិនដែលបានផ្សាយបន្តផ្ទាល់ប្រកបដោយជោគជ័យនូវព្រឹត្តិការណ៍កីឡាអូឡាំពិករដូវរងាក្រុងប៉េកាំងនិងផ្សព្វផ្សាយយ៉ាងសកម្មនូវកីឡាអូឡាំពិកអន្តរជាតិ។ ទោះបីជាព្រឹត្តិការណ៍កីឡាអូឡាំពិក និងប៉ារ៉ាឡាំពិករដូវរងាក្រុងប៉េកាំងឆ្នាំ ២០២២ បានបិទបញ្ចប់ដោយជោគជ័យក៏ដោយ ក៏ពិធីបើកនិងបិទដ៏អស្ចារ្យដែលប្រកបដោយភាពរ៉ូមេនទិចបែបចិន និងការផ្សាយបន្តផ្ទាល់ដ៏ល្អបំផុតនៃព្រឹត្តិការណ៍នេះនៅតែធ្វើឱ្យប្រជាជនពិភពលោកនាំគ្នាកោតសរសើរមិនដាច់ពីមាត់ ។ ការច្នៃប្រឌិតថ្មីផ្នែកបច្ចេកវិទ្យានៃអគ្គស្ថានីយវិទ្យុនិងទូរទស្សន៍មជ្ឈិមចិនទទួលបានសមិទ្ធផលយ៉ាងច្រើន ដោយបានចូលរួមរំលេចពីព្រឹត្តិការណ៍កីឡាអូឡាំពិករដូវរងាក្រុងប៉េកាំង ដែលបានត្រូវកត់ត្រាក្នុងប្រវត្តិសាស្ត្រអូឡាំពិក។
ក្នុងនាមជាម្ចាស់ផ្ទះនិងជាដៃគូផ្សាយបន្តផ្ទាល់តាមទូរទស្សន៍នៃគណៈកម្មាធិការអូឡាំពិកអន្តរជាតិអគ្គស្ថានីយវិទ្យុនិងទូរទស្សន៍មជ្ឈិមចិនពឹងផ្អែកលើបច្ចេកវិទ្យា“5G+4K/8K+AI”ដែលមានឧបករណ៍ផ្សាយបន្តផ្ទាល់និងកាមេរ៉ាផ្សាយរូបភាពភ្លឺច្បាស់ដែលស្រាវជ្រាវនិងផលិតដោយម្ចាស់ការ និងមានក្រុមជំនាញដ៏ឆ្នើមដើម្បីធានាដល់បច្ចេកទេសផ្សាយបន្តផ្ទាល់ សម្រេចបាននូវគោលដៅចាក់ផ្សាយការប្រកួតកីឡាអូឡាំពិកតាមទម្រង់ 8K ហើយបានបង្កើតកំណត់ត្រាថ្មីនៃការផ្សព្វផ្សាយតាមរយៈវេទិកាពហុប្រព័ន្ធផ្សព្វផ្សាយនៃអគ្គស្ថានីយវិទ្យុនិងទូរទស្សន៍មជ្ឈិមចិន ពោលគឺមានទស្សនិកជនលើសពី ៦២៨១៤ លាននាក់ ។
