វេទិកាគពាណិជ្ជកម្មនិងវិនិយោ “ខ្សែក្រវាត់និងផ្លូវ” ឆ្នាំ២០២១បើកធ្វើនៅក្រុងប៉េកាំងកាលពីថ្ងៃទី២ខែធ្នូ ក្រោមប្រធានបទ “ពួតដៃគ្នាជំរុញទៅមុខ បើកទូលាយនិងកិច្ចសហប្រតិបត្តិការ ដឹកនាំរួមគ្នា ស្តារសេដ្ឋកិច្ចឡើងវិញ” មន្ត្រីរដ្ឋាភិបាល តំណាងសភាពាណិជ្ជកម្ម សហគ្រិនល្បីឈ្មោះ និងតំណាងអង្គការអន្តរជាតិដែលមកពីប្រទេសចំនួន៧៧ សរុបជាង ៦០០នាក់បានចូលរួមវេទិកាធ្វើទល់មុខគ្នានិងតាមប្រព័ន្ធវីដេអូ ។ ឯកអគ្គរដ្ឋទូតអាហ្សង់ទីនប្រចាំនៅប្រទេសចិនបានថ្លែងថា អាហ្សង់ទីនរំពឹងទុកអាចចូលរួមគំនិតផ្តួចផ្តើម “ខ្សែក្រវាត់និងផ្លូវ” ជាផ្លូវការនៅឆ្នាំក្រោយ ឥស្សរជនមជ្ឈដ្ឋាននយោបាយនិងពាណិជ្ជកម្ម បញ្ញវន្តទាំងក្នុងនិងក្រៅប្រទេសក៏បានថ្លែងថា រំពឹងទុកថា “ខ្សែក្រវាត់និងផ្លូវ”អាចដើរតួនាទីកាន់តែធំលើវិស័យសេដ្ឋកិច្ចឌីជីថល និងសុខាភិបាលជាដើម។
គិតមកទល់បច្ចុប្បន្ននេះ ប្រទេសចិនបានចុះហត្ថលេខាលើឯកសារកិច្ចសហប្រតិបត្តិការស្តីពីការរួមគ្នាកសាង“ខ្សែក្រវាត់និងផ្លូវ”ចំនួនជាង២០០ជាមួយប្រទេសនិងអង្គការអន្តរជាតិជាង១៧០៕
