កាលពីថ្ងៃទី១ ខែធ្នូ រដ្ឋាភិបាលឡាវបានប្រារព្ធពិធីប្រគល់មេដាយនៅមជ្ឈមណ្ឌលសន្និសីទជាតិឡាវ។ លោក Sonexay Siphandone សមាជិកការិយាល័យនយោបាយនៃគណៈកម្មាធិការមជ្ឈិមបក្សប្រជាជនបដិវត្តន៍ឡាវ ឧបនាយករដ្ឋមន្ត្រី និងជាអ្នកណែនាំវិស្វកម្មផ្លូវដែកឡាវ-ចិនបានតំណាងឱ្យរដ្ឋាភិបាលឡាវ ផ្តល់ “មេដាយអភិវឌ្ឍន៍ថ្នាក់ជាតិ” ជូនដល់ក្រុមហ៊ុនផ្លូវដែកជាតិចិន និងផ្តល់ “មេដាយពលកម្មថ្នាក់ជាតិ” ជូនដល់ក្រុមហ៊ុនផ្លូវដែកឡាវ-ចិន ។
នៅក្នុងពិធីនេះ រដ្ឋាភិបាលឡាវបានថ្លែងអំណរគុណដោយស្មោះអស់ពីដួងចិត្តចំពោះគណៈកម្មាធិការមជ្ឈិមបក្សកុម្មុយនិស្តចិននិងរដ្ឋាភិបាលចិនដែលមានលោក Xi Jinping ជាប្រមុខស្នូល ដែលបានផ្តល់ការគាំទ្រនិងជំនួយឧបត្ថម្ភដល់ការអភិវឌ្ឍសេដ្ឋកិច្ចនិងសង្គមរបស់ប្រទេសឡាវក្នុងរយៈពេលជាយូរកន្លងមក ដើម្បីជំរុញឱ្យប្រទេសឡាវផ្លាស់ប្តូរប្រវត្តិសាស្ត្រពី "ប្រទេសដីគោកដែលគ្មានការតភ្ជាប់ជាមួយអន្តរជាតិតាមផ្លូវគោក " ទៅជា "ប្រទេសដីគោដែលមានការតភ្ជាប់ជាមួយអន្តរជាតិតាមផ្លូវគោក” ដោយឡែក លោកបានវាយតម្លៃខ្ពស់ចំពោះក្រុមហ៊ុនផ្លូវដែកជាតិចិននិងក្រុមហ៊ុនផ្លូវដែកឡាវ-ចិនដែលបានរួមចំណែកយ៉ាងលេចធ្លោក្នុងការសាងសង់ផ្លូវដែកចិន-ឡាវ ដែលជាវិស្វកម្មដ៏សំខាន់នៃ “ខ្សែក្រវាត់និងផ្លូវ” ។