យប់ថ្ងៃទី១២ ខែវិច្ឆិកា នៅទីក្រុងប៉េកាំង លោកXi Jinping ប្រធានរដ្ឋចិនបានអញ្ជើញចូលរួមកិច្ចប្រជុំក្រៅផ្លូវការនៃមេដឹកនាំអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វីក (APEC) លើកទី ២៨ តាមប្រព័ន្ធវីដេអូ។
លោកXi Jinping បានបញ្ជាក់ថា ឆ្នាំ២០២១នេះ ជាខួប ៣០ ឆ្នាំដែលប្រទេសចិនបានចូលរួមអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វីក។ រយៈពេល ៣០ ឆ្នាំកន្លងមក ប្រទេសចិនបានធ្វើកំណែទម្រង់យ៉ាងស៊ីជម្រៅ បានពង្រីកការបើកទូលាយ ខណៈកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកក៏បន្តពង្រីកកាន់តែធំទូលាយផងដែរ។ អាស៊ីប៉ាស៊ីហ្វិកបានក្លាយជាតំបន់សម្បូរភាពចលករនិងសក្តានុពលអភិវឌ្ឍន៍ដ៏ច្រើនបំផុតលើពិភពលោក ស្ថិតនៅចំណាត់ថ្នាក់ឈានមុខនៃការអភិវឌ្ឍន៍សេដ្ឋកិច្ចពិភពលោក បានរួមចំណែកវិជ្ជមានដល់កំណើនសេដ្ឋកិច្ចពិភពលោកនិងផលប្រយោជន៍របស់ប្រជាជនក្នុងតំបន់។ យើងគួរជំរុញទស្សនៈវិស័យ Putrajaya ឆ្នាំ 2040នៃអង្គការAPEC ដើម្បីបង្កើតសហគមន៍រួមវាសនាអាស៊ីប៉ាស៊ីហ្វិកបែបបើកទូលាយ មានបរិយាប័ន្ន បង្កើនដោយច្នៃប្រឌិតថ្មី ទាក់ទងគ្នា សហប្រិតបត្តិការនិងឈ្នះ-ឈ្នះ។
លោកបានថ្លែងថា ការបើកទូលាយជាគន្លឹះនៃកិច្ចសហប្រតិបត្តិការអាស៊ីប៉ាស៊ីហ្វិក។ គួរប្រកាន់ខ្ជាប់តំបន់និយមបែបបើកទូលាយ ចាត់ទុកទស្សនៈវិស័យ Putrajaya ឆ្នាំ 2040ជាក្តីណែនាំ ជំរុញសមាហរណកម្មសេដ្ឋកិច្ចតំបន់ ដើម្បីកសាង តំបន់ពាណិជ្ជកម្មសេរីអាស៊ីប៉ាស៊ីហ្វិកកម្រិតខ្ពស់ក្នុងពេលឆាប់ៗ៕