ថ្ងៃទី១១ ខែវិច្ឆិកា លោកXi Jinpingប្រធានរដ្ឋចិនបានថ្លែងសុន្ទរកថាគន្លឹះក្រោយប្រធានបទ «ប្រកាន់ខ្ជាប់ការអភិវឌ្ឍដោយនិរន្តរភាព រួមគ្នាកសាងសហគមន៍រួមវាសនាតែមួយនៃតំបន់អាស៊ីប៉ាស៊ីហ្វិក»តាមប្រព័ន្ធវីដេអូនៅក្នុងកិច្ចប្រជុំថ្នាក់ដឹកនាំវិស័យ
ឧស្សាហកម្មនិងពាណិជ្ជកម្មនៃអង្គការកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកនៅទីក្រុងប៉េកាំង។
លោកបានលើកឡើងថា នាពេលថ្មីៗនេះ ស្ថាប័នពាក់ព័ន្ធនៃប្រទេសចិនកំពុងធ្វើឱ្យមានសុក្រឹតភាពនូវច្បាប់ប្រឆាំងការផ្តាច់មុខ ព្រមទាំងបង្កើនការត្រួតពិនិត្យនិងគ្រប់គ្រងចំពោះមុខរបរមួយចំនួនក្នុងស្រុក។នេះមិនគ្រាន់តែជាតម្រូវការនៃការជំរុញការអភិវឌ្ឍសេដ្ឋកិច្ចទីផ្សាររបស់ប្រទេសចិនប៉ុណ្ណោះទេ ក៏ជាការអនុវត្តទូទៅនៃប្រទេសនានាដែរ។ប្រទេសចិននឹងពង្រឹងនិងអភិវឌ្ឍសេដ្ឋកិច្ចសាធារណៈដោយមិនងាករេ លើកទឹកចិត្ត គាំទ្រនិងណែនាំការអភិវឌ្ឍសេដ្ឋកិច្ចឯកជន ផ្តក់សិទ្ធិស្មើគ្នាដល់តួអង្គទីផ្សារគ្រប់ប្រភេទ ដើម្បីបង្កើតប្រព័ន្ធទីផ្សារប្រកបដោយភាពបើកទូលាយនិងមានសណ្តាប់ធ្នាប់ ក្នុងន័យពង្រឹងឱ្យបានរឹងនាំនូវមូលដ្ឋានគ្រឹះនៃការអភិវឌ្ឍដោយយូរអង្វែងនៃសេដ្ឋកិច្ចប្រទេសចិន ហើយផ្តល់ការធានាកាន់តែល្អប្រសើរសម្រាប់ការវិនិយោគនិងការស្តារអាជីវកម្មឡើងវិញរបស់មជ្ឈដ្ឋានឧស្សាហម្មនិងពាណិជ្ជកម្មនៅតំបន់អាស៊ីប៉ាស៊ីហ្វិកនិងទូទាំងពិភពលោក៕
