តាមការផ្សាយព័ត៌មាននៃការិយាល័យវិស្វកម្មអវកាសដឹកមនុស្សរបស់ប្រទេសចិនបានឱ្យដឹងថា បន្ទាប់ពីហោះទៅដល់តារាវិថីតាមការគ្រោងទុក យានអវកាស Tianzhou-3 ដែលជាយានដឹកទំនិញបានតភ្ជាប់ជាមួយបន្ទប់ស្នូលនៃស្ថានីយអវកាសចិនឈ្មោះ Tianhe ដោយជោគជ័យនៅវេលាម៉ោង ២២ និង ០៨ នាទី ថ្ងៃទី ២០ ខែកញ្ញា ឆ្នាំ ២០២១ តាមម៉ោងក្រុងប៉េកាំង ដោយបានចំណាយពេលវេលាប្រហែល៦ ម៉ោងកន្លះ។ សូមបញ្ជាក់ថា យានអវកាស Tianzhou-3 បានដឹកជញ្ជូនបរិក្ខារនិងសម្ភារៈប្រើប្រាស់ប្រចាំថ្ងៃជាទូទៅសម្រាប់អវកាសយានិក ដូចជាឯកសណ្ឋានអវកាសពាក់នៅក្រៅយាន គ្រឿងប្រើប្រាស់នៅក្រៅយាន សម្ភារៈផ្សេងៗមួយចំនួនទៀតសម្រាប់ដំណើរការនៃស្ថានីយអវកាសជាដើម ។ បន្ទាប់មក យានអវកាស Tianzhou-3 យានអវកាស Tianzhou-2 និងបន្ទប់ស្នូលTianhe នឹងរួមគ្នាហោះហើរតាមគន្លងតារាវិថី៕
