គិតត្រឹមថ្ងៃទី ៣០ ខែសីហា ឆ្នាំ២០២១ យានស្ទង់ពិនិត្យភពព្រះអង្គារឈ្មោះ Zhurong នៃយានអវកាស Tianwen-1 ដែលជាភារកិច្ចស្ទង់ពិនិត្យភពព្រះអង្គារលើកទីមួយនៃប្រទេសចិនបានដំណើរការរយៈពេល ១០០ ថ្ងៃហើយនៅលើផ្ទៃភពព្រះអង្គារ ហើយបានបើកបរទៅកាន់ទិសខាងត្បូងឃ្លាតពីកន្លែងចុះចតចម្ងាយ 1064 ម៉ែត្រ ។ ថ្ងៃដដែល រដ្ឋបាលជាតិអវកាសចិន (CNSA) បានផ្សព្វផ្សាយពីរូបភាពនៃដានបើកបរនៃយាន Zhurong ដែលថតដោយយានហោះហើរជុំវិញតារាវិថីរបស់ចិន និងរូបភាពតំបន់ល្បាតនៃយាន Zhurong ដែលថតដោយយាន Zhurong ជាដើម។
ឆ្លៀតឱកាសនេះដែរ រដ្ឋបាលជាតិអវកាសចិនបានរួមសហការជាមួយធនាគារប្រជាជនចិនចេញផ្សាយកាក់អនុស្សាវរីយ៍មាសនិងប្រាក់ ដើម្បីអបអរសាទរភាពជោគជ័យនៃភារកិច្ចរុករកភពព្រះអង្គារលើកដំបូងនៃប្រទេសចិន ដើម្បីសាទរប្រទេសចិនបានបន្សល់ទុកស្លាកស្នាមជាលើកទីមួយលើភពព្រះអង្គារ បានក្លាយជាប្រទេសទីមួយលើលោក ដែលអនុវត្តភារកិច្ចតែម្តងក៏សម្រេចបាននូវ ការហោះជុំវិញ ចុះចត និងល្បាតលើភពព្រះអង្គារ៕