ថ្ងៃទី១៣ ខែសីហា តាមម៉ោងក្នុងតំបន់ អង្គការតាលីបង់អាហ្វហ្គានីស្ថានបានប្រកាសថាដណ្តើមកាន់កាប់ទីក្រុងដែលជាទីរួមខេត្តចំនួន ៨ ក្នុងរយៈពេលតែ ២៤ ម៉ោង ក្នុងនោះរួមទាំងក្រុង Kandahar ដែលជាក្រុងធំទី២ និងក្រុង Herat ដែលជាក្រុងធំទី៣នៃអាហ្វហ្គានីស្ថាន ។ គិតត្រឹមពេលបច្ចុប្បន្ន អង្គការតាលីបង់បានគ្រប់គ្រងទីរួមខេត្តចំនួន ១៨ ហើយក្នុងចំណោមទីរួមខេត្តសរុប ៣៤ ក្រុងនៃទូទាំងប្រទេសអាហ្វហ្គានីស្ថាន។
លោក Mohammad Naeem អ្នកនាំពាក្យអង្គការតាលីបង់អាហ្វហ្គានីស្ថានបានថ្លែងថា ការដែលអង្គការតាលីបង់គ្រប់គ្រងទីក្រុងធំៗមួយចំនួនធំក្នុងស្រុក បានបញ្ជាក់ឱ្យឃើញថា អង្គការនេះទទួលបានការគាំទ្រពីប្រជាជន។ ក៏ប៉ុន្តែ ភាគីជាច្រើនមិនទទួលយកការអះអាងបែបនេះទេ ។ អ្នកទទួលខុសត្រូវប្រតិភូឧបត្ថមអាហ្វហ្គានីស្ថាននៃអង្គការសហប្រជាជាតិ និងតំណាងពិសេសនៃអគ្គលេខាធិការអង្គការសហប្រជាជាតិបានថ្លែងថា សកម្មភាពយោធារបស់អង្គការតាលីបង់បានបណ្តាលឱ្យជនស៊ីវិលច្រើនសន្ធិករងរបួសនិងស្លាប់បាត់បង់ជីវិត។
កាលពីថ្ងៃទី១២ ខែសីហា កិច្ចប្រជុំពហុភាគីស្តីពីដំណាក់កាលសន្តិភាពអាហ្វហ្គានីស្ថានត្រូវបានបិទបញ្ចប់ ដោយមិនបានចេញសេចក្តីប្រកាសន៍ណាមួយនោះទេ៕