នៅថ្ងៃទី ១២ ខែសីហា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយសៀវភៅសដែលមានចំណងជើងថា《សម្រេចការកសាងសង្គមដែលប្រជាជនមានជីវភាពធូរធានបង្គួរដោយគ្រប់ជ្រុងជ្រោយ៖ភាពត្រចះត្រចង់នៃការអភិវឌ្ឍកិច្ចការសិទ្ធិមនុស្សរបស់ប្រទេសចិន》។ សៀវភៅសបានបង្ហាញឱ្យដឹងថា រដ្ឋាភិបាលចិនសម្រេចបាននូវកំណើនប្រកបដោយស្ថិរភាពនូវទិន្នផលនៃកសិផលនិងដោះស្រាយបញ្ហាកង្វះស្បៀងនិងកង្វះអាហារូបត្ថម្ភតាមរយៈកិច្ចកសាងប្រព័ន្ធបច្ចេកវិទ្យាកសិឧស្សាហកម្មទំនើប ។ ផែនការមួយចំនួនត្រូវបានអនុម័ត ដើម្បីធានាដល់ការធ្វើឱ្យប្រសើរឡើងនូវអាហារូបត្ថម្ភរបស់កុមារក្រីក្រនិងសិស្សានុសិត្សទទួលការអប់រំកាតព្វកិច្ចនៅជនបទ ។ គិតរហូតដល់ឆ្នាំ ២០២០ កុមារសរុបចំនួន ១១២០ ម៉ឺននាក់បានទទួលអត្ថប្រយោជន៍ពីគម្រោងនេះ ។ ការអនុវត្តផែនការកែលម្អអាហារូបត្ថម្ភសម្រាប់សិស្សានុសិត្សទទួលការអប់រំកាតព្វកិច្ចនៅជនបទដោយផ្តល់អាហារបំប៉នដល់សិស្សានុសិត្សបានគ្របដណ្តប់លើសាលាអប់រំកាតព្វកិច្ចជនបទចំនួន ១៣.២ ម៉ឺនដែលផ្តល់អត្ថប្រយោជន៍ដល់សិស្សានុសិត្សជាង ៣៨០០ ម៉ឺននាក់ជារៀងរាល់ឆ្នាំ ៕