តាមការផ្សាយនៃទីភ្នាក់ងារសារព័ត៌មានជប៉ុនឱ្យដឹងថា ពេលថ្មីៗកន្លងទៅនេះ ជំងឺកូវីដ១៩បានបន្តរីករាលដាលយ៉ាងខ្លាំងនៅប្រទេសជប៉ុន ហើយធនធានវេជ្ជសាស្ត្រកំពុងមានភាពខ្វះខាត ។ មន្ត្រីជប៉ុនថ្លែងថា នឹងចែកចាយវ៉ាក់សាំង AstraZeneca ចំពោះតំបន់ដែលប្រកាសអាសន្នជាអាទិភាព ។
ព្រមពេលជាមួយគ្នានេះ ការប្រកួតកីឡាអូឡាំពិកក្រុងតូក្យូបានដំណើរការជាងពាក់កណ្តាលហើយ ដោយសារករណីឆ្លងជំងឺកូវីដ១៩បានកើនឡើងយ៉ាងខ្លាំង ដូច្នេះ ជប៉ុនបានពង្រីកក្របខ័ណ្ឌដាក់ក្នុងភាពអាសន្ន ។ អាស្រ័យហេតុនេះ គណៈកម្មាធិការកីឡាអូឡាំពិកអន្តរជាតិនិងគណៈកម្មាធិការរៀបចំការប្រកួតកីឡាអូឡាំពិកក្រុងតូក្យូបានសំណូមពរឱ្យកីឡាករកីឡាការិនីដែលចូលរួមការប្រកួតនិងបុគ្គលិកពាក់ព័ន្ធនឹងការប្រកួតកីឡាអូឡាំពិកជាដើមការពារខ្លួនឱ្យបានល្អ ដើម្បីចៀសវាងឆ្លងជំងឺកូវីដ១៩ ។