ថ្ងៃទី៣ ខែសីហា លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិនបានចូលរួមកិច្ចប្រជុំរវាងរដ្ឋមន្ត្រីការបរទសចិននិងអាស៊ានតាមប្រព័ន្ធវីដេអូ និងមានការចូលរួមពី រដ្ឋមន្ត្រីការបរទេសនៃប្រទេសអាស៊ានទាំង១០និងអគ្គលេខាធិការសមាគមអាស៊ាន ។
ថ្លែងក្នុងកិច្ចប្រជុំ លោក Wang Yi បានលើកឡើងថា ប្រទេសអាស៊ានជាអាទិភាពនៃកិច្ចការទូតជាមួយប្រទេសជិតខាងរបស់ប្រទេសចិន ។ ឆ្នាំនេះជាខួបទី៣០នៃការបង្កើតទំនាក់ទំនងសន្ទនារវាងចិននិងអាស៊ាន ។ ប្រទេសចិនសូមលើកសេចក្តីផ្តួចផ្តើមច្បាស់៛៤ ចំណុច ពោលគឺទីមួយ បន្តធ្វើកិច្ចសហប្រតិបតិ្តការក្នុងការប្រយុទ្ធប្រឆាំងនឹងជំងឺឆ្លងឱ្យបានកាន់តែស៊ីជម្រៅ ទីពីរ ខំប្រឹងយ៉ាងពេញទំហឹងដើម្បីជំរុញការងើបឡើងវិញនៃសេដ្ឋកិច្ច ទីបី ពង្រឹងនិងពង្រីករចនាសម័្ពន្ធនៃកិច្ចសហប្រតិបត្តិការក្នុងតំបន់ និងទីបួន គាំពារសុខសន្តិភាពនៅតំបន់សមុទ្រចិនខាងត្បូង ។
ជាការឆ្លើយតប រដ្ឋមន្ត្រីការបរទេសនៃបណ្តាប្រទេសអាស៊ានបានវាយតម្លៃខ្ពស់ចំពោះសមិទ្ធផលដ៏ធំធេងរបស់ប្រទេសចិនដែលទទួលបានក្នុងការប្រយុទ្ធប្រឆាំងនឹងជំងឺកូវីដ១៩ និងការអភិវឌ្ឍសេដ្ឋកិច្ចនិងសង្គមចិន ដោយបានថ្លែងថា ប្រទេសអាស៊ានរីករាយរួមសហការជាមួយប្រទេសចិន ដើម្បីបន្តដើរតាមផ្លូវសហប្រតិបតិ្តការនិងសាមគ្គីគ្នា ជំរុញដំណើរសមាហរណកម្មសេដ្ឋកិច្ច ក៏ដូចជារួមគ្នាគាំពារសន្តិភាព សនិ្តសុខនិងស្ថិរភាពនៃតំបន់សមុទ្រចិនខាងត្បូងផងដែរ ៕
