យុវភាពរបស់យើង៖ Guan Wangao គិលានុបដ្ឋាក
ខ្ញុំជាគិលានុបដ្ឋាកមួយរូប
អ្នកខ្លះថា គិលានុបដ្ឋាកជាកងកម្លាំងពិសេសក្នុងក្រុមថែទាំវេជ្ជសាស្ត្រ
ត្រូវណាស់ កាលណាដើរចូលកន្លែងធ្វើការ ខ្ញុំមានអារម្មណ៍ថាហាក់ដូចជាដើរចូលសមរភូមិអីចឹង
នាខែមីនាឆ្នាំ២០២០ ប្រទេសឡាវបានផ្ទុះរាលដាលជំងឺកូវីដ១៩
ខ្ញុំជាសមាជិកម្នាក់នៃក្រុមវេជ្ជសាស្ត្រចិនដែលទៅជួយឡាវប្រយុទ្ធប្រឆាំងជំងឺឆ្លង ខ្ញុំទៅដល់ឡាវជាលើកទីមួយ
ផែនការបង្ការនិងព្យាបាលជំងឺឆ្លងដែលយើងបានកំណត់តាមសភាពជាក់ស្តែងរបស់ឡាវគួបផ្សំនិងបទពិសោធន៍របស់ចិន ទទួលបានការកោតសរសើរខ្លាំងពីភាគីឡាវ
នាខែមេសាឆ្នាំ២០២១ ប្រទេសឡាវបានផ្ទុះជំងឺឆ្លងលើកទី២
ខ្ញុំក៏ទៅដល់ឡាវម្តងទៀត ជំងឺកូវីដ១៩ជាបញ្ហាប្រឈមសម្រាប់មនុស្សជាតិទាំងមូល
ការជួយអ្នកដទៃក៏ជាការជួយដល់ខ្លួនឯងដែរ
លើកនេះជំងឺឆ្លងបានរាលដាលខ្លាំងជាងលើកមុន
ក្រុមវេជ្ជសាស្ត្របានលើកឡើងសំណើដល់ភាគីឡាវ
ខ្ញុំបានត្រៀមវីដេអូសម្រាប់បង្រៀន ក្រុមវេជ្ជសាស្ត្រឡាវប្រាប់ថាមើលហើយងាយយល់
មាត់ទ្វារមន្ទីរពេទ្យ គ្លិនិកសម្រាប់ពិនិត្យអ្នកក្តៅខ្លួន បន្ទប់ICU បន្ទប់ដាក់ដាច់ដោយឡែកពីគ្នា ជំហាននីមួយៗមិនត្រូវធ្វេសប្រហែសជាដាច់ខាត
ដោយសារខ្វះការយល់ដឹងពីជំងឺកូវីដ១៩ អ្នកជំងឺងាយភ័យខ្លាច
យើងក៏ចូលក្នុងបន្ទប់ដាក់ដាច់ដោយឡែកពីគ្នា ដើម្បីជួយបន្ធូរអារម្មណ៍តានតឹងរបស់ពួកគេ
ថ្ងៃទី១២ ខែឧសភា ជាទិវាគិលានុបដ្ឋាកអន្តរជាតិ សហការីចិនបានសួរសុខទុក្ខតាមប្រព័ន្ធវីដេអូ
ការជាសះស្បើយរបស់អ្នកជំងឺឡាវ ការទទួលស្គាល់ពីអ្នករួមអាជីព គឺជាកាដូទិវាគិលានុបដ្ឋាកល្អបំផុតសម្រាប់ខ្ញុំ
រត់ប្រណាំងនឹងពេលវេលា ប្រយុទ្ធជាមួយជំងឺ
ខ្ញុំឈ្មោះ Guan Wangao ជាគិលានុបដ្ឋាកមួយរូប
