លោក ZhaoLijian អ្នកនាំពាក្យក្រសួងការបរទសចិនបានថ្លែងក្នុងសន្និសីទការសែតជាប្រចាំនាថ្ងៃទី ២១ ខែកក្កដាថា ការស៊ើបអង្កេតលើបន្ទប់ពិសោធន៍ FortDetrick ជាសំឡេងអំពាវនាវទូទៅរបស់ប្រជាជនគ្រប់ប្រទេសក្នុងនោះរួមទាំងប្រជាជនចិនផង ហើយក៏ជាអ្វីដែលអាមេរិកចាំបាច់ត្រូវឆ្លើយតបក្នុងបញ្ហារុករកប្រភពវីរុសកូវីដ១៩។
គិតត្រឹមរសៀលថ្ងៃទី ២១ ខែកក្កដា អ្នកប្រើអ៊ីនធើណេតចិនចំនួនជាង ៥ លាននាក់បានចុះហត្ថលេខាលើសារលិខិតសាធារណៈដើម្បីអំពាវនាវឱ្យអង្គការសុខភាពពិភពលោកធ្វើការស៊ើបអង្កេតលើបន្ទប់ពិសោធន៍ជីវសាស្ត្រ FortDetrick ការនេះត្រូវបានប្រព័ន្ធសារព័ត៌មានជាតិនិងអន្តរជាតិយកចិត្តទុកដាក់យ៉ាងខ្លាំង។
លោក ZhaoLijian បានបញ្ជាក់ថា អាថ៍កំបាំងនៃបន្ទប់ពិសោធន៍ FortDetrick មិនដែលត្រូវបង្ហើបនោះទេ។ នៅពីមុខប្រជាពលរដ្ឋចំនួនជាង ៦៣ ម៉ឺននាក់ដែលបានស្លាប់បាត់បង់ជីវិតដោយសារជំងឺឆ្លង អាមេរិកត្រូវបង្ហាញពីតម្លាភាពក្នុងបញ្ហានេះ គួរចាត់វិធានការជាក់ស្តែងដើម្បីស៊ើបការណ៍ឱ្យច្បាស់នូវប្រភពដើមនៃការរាលដាលជំងឺកូវីដ១៩ក្នុងប្រទេស គួរអង្កេតទាំងស្រុងនូវមូលហេតុដែលអាមេរិកប្រយុទ្ធប្រឆាំងនឹងជំងឺឆ្លងដោយគ្មានប្រសិទ្ធិភាព ក៏ដូចជាដេញដោលរកទំនួលខុសត្រូវរបស់អ្នកពាក់ព័ន្ធ ដើម្បីផ្តល់ចម្លើយដល់ប្រជាជនពិភពលោកនិងសហគមន៍អន្តរជាតិ៕