ថ្ងៃទី ២១ ខែកក្កដាតាមម៉ោងក្នុងតំបន់ លោក Guterres អគ្គលេខាធិការអង្គការសហប្រជាជាតិបានថ្លែងសុន្ទរកថាតាមប្រព័ន្ធវីដេអូ ដើម្បីសម្តែងគារវកិច្ចចំពោះអត្តពលិកកីឡាអូឡាំពិកទូទាំងពិភពលោក ព្រមនិងថ្លែងអំណរគុណចំពោះប្រទេសជប៉ុនដែលជាប្រទេសម្ចាស់ផ្ទះនៃការប្រកួតកីឡាអូឡាពិកលើកនេះ។
លោក Guterres បានលើកឡើងថា ស្មារតីកីឡាអូឡាំពិកបានបង្ហាញពីលក្ខណៈ ល្អបំផុតរបស់មនុស្សជាតិ ពោលគឺស្មារតីសាមគ្គីភាពនិងស្មារតីក្រុម ទេពកោសលនិងបរិយាប័ន្ន។ ការប្រកួតកីឡាអូឡាំពិកបានលើកទឹកចិត្តនិងរួមសាមគ្គីប្រជាជននៅទូទាំងពិភពលោកក្នុងសម័យកាលរង្គ្រោះរង្គើរ។ លោកបន្តថា ទូទាំងពិភពលោកបានកាន់ទុក្ខចំពោះមនុស្សដែលស្លាប់បាត់បង់ជីវិតក្នុងវិបត្តិកូវីដ ១៩ កីឡាករកីឡាការិនីគ្រប់រូបដែលចូលរួមការប្រកួតកីឡាអូឡាំពិកក្រុងតូក្យូសុទ្ធតែបានពុះពារឧបសគ្គច្រើនលើសលប់ ដែលបានបង្ហាញពីការប្តេជ្ញាចិត្តដ៏មុតមាំរបស់ពួកគេ។
សូមបញ្ជាក់ថា នៅថ្ងៃដដែល កិច្ចប្រជុំពេញអង្គលើកទី ១៣៨ នៃគណកម្មាធិការកីឡាអូឡាំពិកអន្តរជាតិបានបើកធ្វើនៅក្រុងតូក្យូដោយប្រកាសថាទីក្រុងដែលរៀបចំការប្រកួតកីឡាអូឡាំពិករដូវក្តៅឆ្នាំ២០៣២គឺក្រុង Brisbane ប្រទេសអូស្ត្រាលី៕