កិច្ចប្រជុំពេញអង្គនៃគណៈកម្មាធិការអូឡាំពិកអន្តរជាតិបានធ្វើនៅទីក្រុងតូក្យូនៅថ្ងៃទី២១ ខែកក្កដានេះ។ គណៈកម្មាធិការរៀបចំព្រឹត្តិការណ៍ប្រកួតកីឡាអូឡាំពិករដូវរងាប៉េកាំងឆ្នាំ ២០២២ បានធ្វើសេចក្តីរាយការណ៍អំពីការងារត្រៀមរៀបចំចុងក្រោយបំផុត ដោយបានបញ្ជាក់ថា នឹងផ្តល់ជូនពិភពលោកនូវ ព្រឹត្តិការណ៍កីឡាអូឡាំពិកដ៏ឱឡារិកប្រកបដោយភាពសាមញ្ញ សន្តិសុខ និងភាពអស្ចារ្យ។
លោក Bach ប្រធានគណៈកម្មាធិការអូឡាំពិកអន្តរជាតិបានកោតសរសើរពីការងាររៀបចំទាំងឡាយនៃភាគីប៉េកាំង ដោយយល់ឃើញថា ទស្សនទានស្តីពីជំរុញឱ្យប្រជាជនចំនួន ៣០០ លាននាក់ចូលរួមលេងកីឡាទឹកកកនឹងក្លាយជានិមិត្តសញ្ញា នៃវិញ្ញាសាកីឡារដូវរងានៃពិភពលោក។
នៅថ្ងៃទី ២៣ ខែកក្កដា ខាងមុខនេះ ការប្រកួតកីឡាអូឡាំពិកតូក្យូដែលបានត្រូវពន្យារពេលមួយឆ្នាំ នឹងសម្ពោធបើកជាផ្លូវការ ចាំដល់ថ្ងៃទី ៤ ខែកុម្ភៈ ឆ្នាំ ២០២២ ការប្រកួតកីឡាអូឡាំពិកប៉េកាំងក៏នឹងសម្ពោធបើកផងដែរ។
តាមការឧទ្ទេសនាមបានឱ្យដឹងថា កាលពីខែកុម្ភៈនិងខែមេសាឆ្នាំ២០២១នេះ ការប្រកួតកីឡាអូឡាំពិកក្រុងប៉េកាំង បានសាកល្បប្រកួតកីឡាទឹកកកដោយគាប់ប្រសើរ។ នៅខែកញ្ញានិងខែធ្នូខាងមុខនេះ នឹងធ្វើការប្រកួតសាកល្បងអន្តរជាតិចំនួន ១០ ប្រភេទតាមកាលៈទេសៈ។ សហគ្រាសដែលចូលរួមផ្តល់ឧបត្ថមពាណិជ្ជកម្មបានកើនដល់ ៤៥ សហគ្រាស អ្នកស្ម័គ្រចិត្តចុះឈ្មោះដែលមកពីទូទាំងពិភពលោកបានលើសពី ១១២ ម៉ឺននាក់។
គណៈកម្មាធិការរៀបចំ Beijing2022 បានរួមជាមួយគណៈកម្មាធិការអូឡាំពិកអន្តរជាតិនិង អង្គការសុខភាពពិភពលោក បង្កើតក្រុមការងារពិសេសនៃការបង្កានិងគ្រប់គ្រងជំងឺឆ្លង ដើម្បីធានាបានយ៉ាងល្អនូវសុវត្ថិភាព និងសុខភាពរបស់មនុស្សគ្រប់រូបដែលចូលរួមព្រឹត្តិការណ៍៕