ថ្ងៃទី ១៩ ខែកក្កដា ជាថ្ងៃរាប់ថយក្រោយ ២០០ ថ្ងៃនៃការសម្ពោធបើកព្រឹត្តិការណ៍ប្រកួតកីឡាអូឡាំពិករដូវរងាទីក្រុងប៉េកាំងឆ្នាំ២០២២ ។ ទន្ទឹមនឹងការជិតចូលមកដល់នៃការប្រកួត ការងារត្រៀមគ្រប់ផ្នែកនៃទីតាំងរៀបចំការប្រកួតនៅក្រុង Zhangjiakou បានដំណើរការយ៉ាងដុតដៃដុតជើង។
គិតត្រឹមបច្ចុប្បន្ន គម្រោងសំខាន់ៗចំនួន ៧៦ ក្នុងទីតាំងប្រកួតក្រុង Zhangjiakou បានបញ្ចប់ការសាងសង់ទាំងស្រុង កីឡដ្ឋានចំនួន ៤ ស្ថិតនៅខណ្ឌ Chongli ដែលជាចំណុចនៃការរៀបចំប្រកួតមានលក្ខខណ្ឌសមប្រកបសម្រាប់រៀបចំការប្រកួត ហើយលក្ខខណ្ឌលម្អិតនឹងត្រូវធ្វើឱ្យកាន់តែល្អប្រសើរថែមទៀតដើម្បីសមស្របនឹងការណែនាំនៃគណៈកម្មាធិការរៀបចំការប្រកួតកីឡាអូឡាំពិករដូវរងាក្រុងប៉េកាំង។ បុគ្គលិកការងារផ្នែកធានាការរៀបចំកីឡាអូឡាំពិករដូវរងាក្រុងប៉េកាំងនៃទីក្រុង Zhangjiakou បានប្រាប់ថា ក្រុង Zhangjiakou បានបង្កើតមជ្ឈមណ្ឌលសេវាចម្រុះ ដើម្បីផ្តល់សេវាសម្រាប់ព្រឹត្តិការណ៍លើកនេះ៕