ព្រឹកថ្ងៃទី១ ខែកក្កដា ឆ្នាំ២០២១ មហាសន្និបាតអបអរសាទរខួប ១០០ ឆ្នាំ នៃការបង្កើតបក្សកុម្មុយនិស្តចិនបានប្រារព្ធធ្វើយ៉ាងឱឡារិកនៅទីលាន ធាន អាន មិន ក្រុងប៉េកាំង។ជនជាតិចិននិងអណិកជនចិននៅប្រទេសជាច្រើនបានថ្លែងថា បន្ទាប់ពីបានស្តាប់សុន្ទរកថារបស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ដែលបានថ្លែងក្នុងឱកាសបើកមហាសន្និបាតអបអរសាទរខួប ១០០ ឆ្នាំ នៃការបង្កើតបក្សកុម្មុយនិស្តចិន ពួកគេមានចំណាប់អារម្មណ៍យ៉ាងជ្រាលជ្រៅថា តើក្នុងរយៈពេលមួយរយឆ្នាំកន្លងទៅ បក្សកុម្មុយនិស្តចិនបានដឹកនាំប្រជាជនចិនពុះពារភាពលំបាកលំបិនច្រើនយ៉ាងណា ទើបអាចទទួលបានសមិទ្ធផលដូចបច្ចុប្បន្ននេះ។ ពួកគេមានមោទនភាពខ្លាំងចំពោះការនេះ។
លោក Huang Yinhua ប្រធានសមាគមអណិកជនចិននៅឥណ្ឌូណេស៊ីបានថ្លែងថា ប្រទេសចិនបានឈានចូលសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ហើយចិនកំពុងដើរតួនាទីសំខាន់ក្នុងការគាំពារសន្តិភាពលើឆាកអន្តរជាតិ។
លោក Cai Hongan ប្រធានសមាគមជនជាតិចិននៅកាណាដាបានថ្លែងថា មួយរយឆ្នាំកន្លងទៅនេះ បក្សកុម្មុយនិស្តចិនបានកាន់អំណាចប្រកបដោយប្រសិទ្ធភាពខ្ពស់ នេះជារឿងដ៏អស្ចារ្យមួយ៕