ពេលថ្មីៗកន្លងទៅនេះ ប្រព័ន្ធសារព័ត៌មានសំខាន់ៗរបស់បរទេសបូករួមទាំងប្រព័ន្ធសារព័ត៌មានប៉ែកខាងលិចផងបានទទួលស្គាល់ថា ក្រោមការដឹកនាំនៃបក្សកុម្មុយនិស្តចិន ប្រទេសចិនបានចេញផុតពីភាពអន់ថយដែលក្រីក្រនិងទន់ខ្សោយ ប្រែទៅជាប្រទេសមានវិបុលភាពនិងមានភាពខ្លាំងក្លាយ៉ាងឆាប់រហ័ស ។
កាលពីថ្ងៃទី២៦ខែមិថុនា ទស្សនាវដ្តី 《The Economist》របស់អង់គ្លេសបានចុះផ្សាយអត្ថបទក្រោមចំណងជើងថា 《ក្បួនសម្ងាត់អាយុវែងរបស់បក្សកុម្មុយនិស្តចិនដែលមានអាយុ១០០ឆ្នាំ》ដោយលើកឡើងថា គ្មានរដ្ឋអំណាចកុម្មុយនិស្តផ្សេងទៀតអាចធ្វើដូចប្រទេសចិននោះឡើយដែលប្រែក្លាយពីគ្រោះមហន្តរាយទុរ្ភិក្សទៅជាអង្គភាពសេដ្ឋកិច្ចធំទីពីរលើពិភពលោក ហើយបច្ចេកទេសទំនើបឈានមុខនិងហេដ្ឋារចនាសម្ព័ន្ធល្អពេញលេញរបស់ចិនធ្វើឱ្យផ្លូវថ្នល់និងផ្លូវដែកខ្ទេចខ្ទាំរបស់សហរដ្ឋអាមេរិកមើលទៅអន់ថយយ៉ាងខ្លាំង ។
វេបសាយនៃកាសែត 《Rebelion》របស់អេស្ប៉ាញបានចុះផ្សាយអត្ថបទថា ពីឆ្នាំ១៩៧៨ដល់ឆ្នាំ២០២០ ផលិតផលក្នុងស្រុកសរុបរបស់ចិនបានកើនឡើង៨៦ដង នេះគឺមិនដែលមានកាលពីមុនឡើយនៅលើពិភពលោក ។ ចាប់តាំងពីធ្វើកំណែទម្រង់និងបើកទូលាយមក បក្សកុម្មុយនិស្តចិនបានធ្វើឱ្យជនក្រីក្រចំនួន៨រយលាននាក់ចេញផុតពីភាពក្រីក្រ នេះត្រូវគេចាត់ទុកថា ជាព្រឹត្តិការណ៍ដ៏មានឥទ្ធិពលយូរអង្វែងក្នុងប្រវត្តិសាស្ត្រអរិយធម៌នៃពិភពលោក ។
កាសែត 《Yomiuri Shinbun》 របស់ជប៉ុនចុះផ្សាយថា ក្រោមការដឹកនាំរបស់បក្សកុម្មុយនិស្តចិន ប្រទេសចិនទទួលបានកំណើនសេដ្ឋកិច្ចគួរឱ្យភ្ញាក់ផ្អើល បច្ចុប្បន្ននេះបានក្លាយជាអង្គភាពសេដ្ឋកិច្ចធំទីពីរលើទូទាំងពិភពលោក ។ ការអភិវឌ្ឍសេដ្ឋកិច្ចជាសមិទ្ធផលដ៏សំខាន់បន្ទាប់ពីការបង្កើតសាធារណរដ្ឋប្រជាមានិតចិន ។
កាសែត 《LeMonde》 របស់បារាំងបានចុះផ្សាយអត្ថបទថា ការស្ទង់ប្រជាមតិបានបង្ហាញថា ប៉ុន្មានឆ្នាំចុងក្រោយនេះ អត្រាគាំទ្ររបស់ប្រជាជនចិនចំពោះបក្សកុម្មុយនិស្តចិនបានកើនឡើងឥតឈប់ឈរ ភាពធន់របស់បក្សកុម្មុយនិស្តចិនគឺបានមកពីសមត្ថភាពសម្របខ្លួនរបស់គណបក្សនេះ ។
