ថ្ងៃទី៣០ ខែមិថុនា តាមម៉ោងក្នុងតំបន់ អង្គការសុខភាពពិភពលោកបានប្រកាសថា ប្រទេសចិនទទួលបានការបញ្ជាក់ទទួលស្គាល់ថា ជាប្រទេសគ្មានជំងឺគ្រុនចាញ់ រីឯនៅទសវត្សរ៍ឆ្នាំ១៩៤០ ប្រទេសចិនធ្លាប់បានរាយការណ៍ពីករណីជំងឺគ្រុនចាញ់ចំនួន៣០លានករណីក្នុងមួយឆ្នាំ។លោកTedrosអគ្គនាយកអង្គការសុខភាពពិភពលោកបានថ្លែងថា អបអរសាទរប្រជាជនចិនដែលបានលុបបំបាត់ជំងឺគ្រុនចាញ់ដោយថ្លែងថា ភាពជោគជ័យរបស់ពួកគេបានមកដោយមិនងាយទេ ពោលគឺត្រូវចាត់ប្រតិបត្តិការជាបន្តបន្ទាប់រយៈពេលរាប់សិបឆ្នាំ។ប្រទេសចិនបានបញ្ជាក់ទៅកាន់ពិភពលោកទាំងមូលថា អនាគតដែលគ្មានជំងឺគ្រុនចាញ់ជាគោលដៅមួយដែលអាចសម្រេចជោគជ័យបាន។
អង្គការសុខភាពពិភពលោកបានបង្ហាញថា បច្ចុប្បន្នក្នុងក្របខ័ណ្ឌទូទាំងពិភពលោក រួមមានប្រទេសនិងតំបន់ចំនួន៤០ទទួលបានការបញ្ជាក់ទទួលស្គាល់ថា គ្មានជំងឺគ្រុនចាញ់ពីអង្គការសុខភាពពិភពលោក។ចំណុចគន្លឹះភាពការជោគជ័យរបស់ប្រទេសចិនគឺការផ្តល់សេវាកម្មសុខាភិបាលសាធារណៈដោយឥតបង់ថ្លៃដល់ប្រជាពលរដ្ឋនិងមានកិច្ចសហប្រតិបត្តិការអន្តរសក្រសួង-ស្ថាប័នប្រកបដោយប្រសិទ្ធភាព។នៅប្រទេសចិន មនុស្សទាំងអស់សុទ្ធតែទទួលបានការធ្វើរោគវិនិច្ឆ័យនិងសេវាព្យាបាលជំងឺគ្រុនចាញ់ដែលមានតម្លៃសមរម្យ៕