ពីស្រែចម្ការដល់រោងចក្រ ពីរោងចក្រដល់ការកែច្នៃ លក់ដូរ និងដឹកជញ្ជូន ស្មៅAyបានជំរុញការអភិវឌ្ឍនៃឧស្សាហកម្មមានលក្ខណៈពិសេសក្នុងតំបន់។ស្មៅAyជារុក្ខជាតិឱសថប្រពៃណីចិន ប៉ុន្តែវាបង្កប់ខ្លឹមសារនៃវប្បធម៌ចិន។ប្រជាជនចិនមិនគ្រាន់តែប្រើស្មៅAyមកបួងសួងសុំសុភមង្គលនិងសន្តិភាពប៉ុណ្ណោះទេ ថែមទាំងប្រើវាបំបាត់ជំងឺផងដែរ។ក្រុងNanyang ជាតំបន់ផលិតឱសថចិនសែដ៏សំខាន់នៅទូទាំងប្រទេស មានល័ក្ខខ័ណ្ឌទីតាំងភូមិសាស្ត្រនិងអាកាសធាតុពិសេស។បច្ចុប្បន្ន ទំហំដាំស្មៅAyនៅក្រុងNanyangមានជិត២ម៉ឺនហិកតា ទំហំដាំដុះតាមស្តង់ដាររបស់វាជាប់ចំណាត់ថ្នាក់លេខ១នៅទូទាំងប្រទេស។
ថ្ងៃទី១២ ខែឧសភា លោកស៊ីជីនភីងប្រធានរដ្ឋចិនបានអញ្ជើញចុះត្រួតពិនិត្យការងារនៅក្រុមហ៊ុនផលិតស្មៅAyឈ្មោះYaoyibaoក្រុងNanyang ដើម្បីស្វែងយល់ពីស្ថានការណ៍ក្នុងតំបន់ដែលពឹងផ្អែកលើឧត្តមភាពនៃស្មៅAy ដើម្បីអភិវឌ្ឍឧស្សាហកម្មមានលក្ខណៈពិសេស និងផ្តល់ឱកាសការងារសម្រាប់ប្រជាជន។ក្រុមហ៊ុនYaoyibaoក្រុងNanyangបានវិវឌ្ឍទៅជាសហគ្រាសពិតដែលមានខ្សែសង្វាក់ឧស្សាហកម្មពេញលេញ រួមមានផលិតកម្មនិងសិក្សាស្រាវជ្រាវ ច្នៃប្រឌិតថ្មីដោយបច្ចេកវិទ្យា លក់ដូរតាមទីផ្សារនិងអនឡាញ មានតម្លៃផលិតសរុបជាង៨០លានយាន់ប្រាក់ចិននៅឆ្នាំ២០២០ ក្នុងនោះ ទំហំលក់ដូរតាមអនឡាញគឺ២០លានយាន់ប្រាក់ចិន។
ក្រុមហ៊ុននេះក៏ជាមូលដ្ឋាននៃការផ្តល់ឱកាសការងារជួយកាត់បន្ថយភាពក្រីក្រក្នុងតំបន់ផងដែរ ប៉ុន្មានឆ្នាំចុងក្រោយនេះ បានផ្តល់ឱកាសការងារចំនួនជាង២០០នាក់ ជូនជនពិការនិងបុគ្គលិកបាត់បង់ការងារជាដើម ហើយជួយឱ្យកសិករជាង៣០០០នាក់មានការងារធ្វើ។បុគ្គលិកក្នុងរោងចក្របានប្រាប់អ្នកសារព័ត៌មានថា ប្រាក់ខែរបស់ពួកគាត់គឺពី៤០០០យាន់ប្រាក់ចិនដល់៩០០០យាន់ប្រាក់ចិន៕