ថ្ងៃទី ១០ខែមេសា តាមម៉ោងក្រុងប៉េកាំង អ្នកនាំពាក្យនៃ CGTN បានឆ្លើយសំណួររបស់អ្នកសាព័ត៌មានដូចខាងក្រោម៖
យើងបានកត់សម្កាល់ឃើញថា ប្រព័ន្ធសារព័ត៌មានអង់គ្លេសបានផ្សព្វផ្សាយដំណឹងកាលពីថ្ងៃទី ៩ ខែមេសាតាមម៉ោងក្នុងតំបន់ថា ពេលផ្តល់បទសម្ភាសន៍ និយតករអង់គ្លេស Ofcom បានទទួលស្គាល់ថា សេវានៃប៉ុស្តិ៍ CGTN សព្វថ្ងៃស្ថិតក្នុងក្របខ័ណ្ឌគ្រប់គ្រងរបស់បារាំង ដែលមានន័យថា ប៉ុស្តិ៍ CGTN អាចផ្សព្វផ្សាយនៅប្រទេសបារាំងនិងប្រទេសហត្ថលេខីនៃ«អនុសញ្ញាស្តីពីទូរទស្សន៍ឆ្លងដែននៃអឺរ៉ុប» ក្នុងនោះបូករួមទាំងអង់គ្លេសផង។ ទាក់ទិននឹងប្រការនេះ CGTN នឹងទាក់ទងជាមួយភាគីពាក់ព័ន្ធ ដើម្បីពិនិត្យពីសភាពការណ៍ពាក់ព័ន្ធ ហើយជំរុញការងារស្តារការផ្សព្វផ្សាយនៅអង់គ្លេសឡើងវិញតាមកាលៈទេសៈ។ យើងសូមសម្តែងការកោតសរសើរនិងការស្វាគមន៍ចំពោះនិយតករអង់គ្លេសដែលអនុវត្តតាមច្បាប់ជាទីអវសាន និងបានបង្ហាញឥរិយាបថដ៏វិជ្ជមាននិងយុត្តិធម៌។
អ្នកនាំពាក្យនៃ CGTN បានរំលឹកឡើងវិញថា ក្នុងនាមជាប្រព័ន្ធសារព័ត៌មានអន្តរជាតិដ៏ឯកទេសមួយ ពួកយើងប្រកាន់ខ្ជាប់នូវការផ្សព្វផ្សាយព័ត៌មានសកលក្នុងជំហរសត្យនុម័ត វិចារណញ្ញាណ និងតុល្យភាព ការដែលប៉ុស្តិ៍ CGTN បន្តផ្តល់សេវាព័ត៌មានទូរទស្សន៍ដល់ទស្សនិកជនអង់គ្លេសគឺសមស្របនឹងផលប្រយោជន៍របស់សាធារណៈជនអង់គ្លេស៕