ក្នុងរយៈពេលជាង ៧០ ឆ្នាំកន្លងមក បន្ទាប់ពីប្រទេសចិនថ្មីបានបង្កើតឡើង ប្រទេសចិនសម្រេចបាននូវបម្រែបម្រួលជាប្រវត្តិសាស្ត្រដែលគួរឱ្យកត់សម្គាល់ ។ ការផ្លាស់ប្តូរដ៏ជ្រាលជ្រៅបែបនេះបានជ្រាបចូលទៅក្នុងជីវភាពរស់នៅជាប្រចាំរបស់ប្រជាជនចិនជាយូរណាស់មកហើយ ។ ដានជើងដែលកម្មាភិបាលជួយឧបត្ថម្ភភាពក្រីក្របានបន្សល់ទុកនៅក្បែរស្រែចំការ សម្រោលរបស់បុគ្គលិកពេទ្យដែលធ្វើដំណើរបញ្រ្ចាសទិសដ៏អង់អាចក្លាហានដើម្បីប្រយុទ្ធប្រឆាំងនឹងការរីករាលដាលនៃជំងឺឆ្លង រថភ្លើងល្បឿនលឿនសញ្ញា Fuxing ដែលមានល្បឿនកាន់តែលឿនជាបន្តបន្ទាប់ ក៏ដូចជានាវាមួយគ្រឿងៗដែលផ្ទុកទំនិញពេញប្រៀបសុទ្ធតែបានបង្ហាញឱ្យឃើញថា ប្រទេសចិនបាននិងកំពុងដើរតាមផ្លូវអភិវឌ្ឍន៍ដ៏ត្រឹមត្រូវមួយដែលសមស្របនឹងសភាពការណ៍ជាក់ស្តែងនៃប្រទេសចិន ។
ផ្លូវអភិវឌ្ឍន៍សម្រេចជោគវាសនារបស់ប្រទេសជាតិមួយ ។ បញ្ហាគន្លឹះក្នុងការអភិវឌ្ឍរបស់ប្រទេសចិន គឺ ក្រោមការដឹកនាំរបស់បក្សកុម្មុយនិស្តចិន ប្រជាជនចិនបានដើរតាមផ្លូវអភិវឌ្ឍន៍ដែលសមស្របនឹងសភាពការណ៍ជាក់ស្តែងនៃប្រទេសចិន ។ បើរំលឹកឡើងវិញពីប្រវតិ្តសាស្ត្រ ក្នុងរយៈពេលជាង ៧០ ឆ្នាំកន្លងមក បន្ទាប់ពីប្រទេសចិនថ្មីបានបង្កើតឡើង ក្នុងការអនុវត្តជាក់ស្តែងក្នុងរយៈពេលយូរអង្វែង សមាជិកបក្សកុម្មុយនិស្តចិនបានដើរតាមផ្លូវដែលសមស្របនឹងសភាពការណ៍ជាក់ស្តែងនៃប្រទេសចិននិងជ្រើសរើសដោយប្រជាជនចិនខ្លួនឯងបានត្រួសត្រាយផ្លូវសង្គមនិយមប្រកបដោយលក្ខណៈពិសេសចិននិងជំរុញសង្គមនិយមប្រកបដោយលក្ខណៈពិសេសចិនឈានចូលក្នុងយុគសម័យថ្មី ក្នុងន័យបានផ្លាស់ប្តូរពីឬគល់នូវជោគវាសនានិងអនាគតរបស់ប្រទេសចិន ប្រជាជនចិននិងប្រជាជាតិចិន ។ ប្រវត្តិសាស្រ្តបានបំផុសគំនិតរបស់ពួកយើងថា៖ប្រជាជនចិនមានជំនឿចិត្តលើផ្លូវរបស់ខ្លួន ពីព្រោះសង្គមនិយមប្រកបដោយលក្ខណៈពិសេសចិនមិនត្រឹមតែជាផ្លូវត្រឹមត្រូវដែលសមស្របនឹងការអភិវឌ្ឍរបស់ប្រទេសចិនប៉ុណ្ណោះទេ ថែមទាំងក៏ជាជម្រើសរបស់ប្រវត្តិសាស្ត្រផងដែរ ។
ទន្ទឹមនឹងការអភិវឌ្ឍផលិតភាពនិងការរីកចម្រើនខាងបច្ចេកវិទ្យា ការទទួលផលប្រយោជន៍ពីការធ្វើសកលភាវូបនីយកម្មសេដ្ឋកិច្ចនឹងមានភាពកាន់តែលេចធ្លោពីមួយថៃ្ងទៅមួយថ្ងៃ ហើយការអភិវឌ្ឍក្លាយជាបញ្ហាចម្បងបំផុត។ ប្រឈមមុខនឹងការបត់បែនដែលបានជួបប្រទះក្នុងកិច្ចកសាងសង្គមនិយមព្រមទាំងនិន្នាការទូទៅនៃសកលភាវូបនីយកម្មសេដ្ឋកិច្ច បក្សកុម្មុយនិស្តចិនបានធ្វើសេចក្តីសម្រេចចិត្តជាប្រវត្តិសាស្ត្រស្តីពីការធ្វើកំណែទម្រង់និងបើកទូលាយដែលបានបំពេញបន្ថែមនូវភាពរស់រវើកយ៉ាងខ្លាំងក្លាក្នុងការដើរតាមផ្លូវសង្គមនិយមប្រកបដោយលក្ខណៈពិសេសចិន ។ ឆ្លងតាមរយៈកំណែទម្រង់និងបើកទូលាយអស់រយៈពេល ៤០ ឆ្នាំ ប្រទេសចិនបានក្លាយជាអង្គភាពសេដ្ឋកិច្ចធំទីពីរនិងជាប្រទេសធំបំផុតខាងឧស្សាហកម្មផលិតកម្មនិងប្រទេសធំបំផុតខាងការនាំចេញទំនិញលើពិភពលោកដែលបានជំរុញដោយគ្រប់ជ្រុងជ្រោយនូវការអភិវឌ្ឍពាណិជ្ជកម្មអន្តរជាតិនិងការវិនិយោគចំពោះបរទេស ក៏ដូចជាបានផ្តល់ទីផ្សារកាន់តែទូលំទូលាយដល់បណ្តាប្រទេសនានាផងដែរ ។ ឧទាហរណ៍ដូចជា ពីការកែទម្រង់ផ្នែកកងទ័ពដល់ការកែទម្រង់ស្ថាប័នរដ្ឋាភិបាល ពីការកាត់បន្ថយពន្ធដារបញ្ចុះថៃ្លសេវារដ្ឋបាលក្នុងទ្រង់ទ្រាយធំដល់ការរៀបចំធ្វើពិព័រណ៍នាំចូលចិនអន្តរជាតិលើកដំបូង ក៏ដូចជាពីការប្រកាសបញ្ជីអវិជ្ជមានថ្មីបំផុតសម្រាប់អនុញ្ញាតឱ្យវិនិយោគបរទេសចូលទីផ្សារចិនដល់ការបញ្ចូលជាលើកដំបូងនូវខ្លឹមសារស្តីពីរបប"សងជម្ងឺចិត្តមានលក្ខណៈផាកពិន័យ៉ទៅក្នុងសេចកី្តព្រាងច្បាប់ស្តីពីការធ្វើវិសោធនកម្ម《ច្បាប់ប៉ាតង》ដើម្បីបង្កើនការការពារកម្មសិទ្ធិបញ្ញា វិធានការកំណែទម្រង់និងបើកទូលាយដែលប្រទេសចិនបានសន្យាសុទ្ធតែអនុវត្តទាំងស្រុង ។ ទ្វារបើកទូលាយរបស់ចិននឹងមិនបិទទេ ផ្ទុយទៅវិញ នឹងបើកកាន់តែធំទូលា ។ ទោះបីជាប្រឈមនឹងការសាកល្បងដ៏តឹងរ៉ឺង ដូចជា ការរីករាលដាលនៃជំងឺកូវីដ ១៩ និងការថមថយចុះយ៉ាងខ្លាំងនៃសេដ្ឋកិច្ចសកលលោកជាដើមក៏ដោយ ក៏ប្រទេសចិននៅតែដាក់ចេញវិធានការថ្មីសម្រាប់កំណែទម្រង់និងការបើកទូលាយជាបន្តបន្ទាប់ ។ ប្រជាជនចិនមានជំនឿចិត្តលើផ្លូវរបស់ខ្លួន ពីព្រោះការកែទម្រង់និងបើកទូលាយមិនត្រឹមតែជាផ្លូវអភិវឌ្ឍន៍ដ៏ត្រឹមត្រូវប៉ុណ្ណោះទេ ថែមទាំងក៏អាចធ្វើឱ្យប្រជាជនមានជីវភាពកាន់តែសម្បូរសប្បាយផងដែរ ។
នាពេលបច្ចុប្បន្ននេះ ប្រឈមនឹងការកើនឡើងឥតឈប់ឈរនៃរបាំងពាណិជ្ជកម្មនិងការវិនិយោគអន្តរជាតិព្រមទាំងបញ្ហាប្រឈមពីឯកតោភាគីនិយម ការការពារនិយមនិងប្រជានិយមជាសកល តើប្រទេសចិននឹងរួមបញ្ចូលជាមួយយុគសម័យ ៤.០ នៃសកលភាវូបនីយកម្មសេដ្ឋកិច្ចយ៉ាងដូចម្តេច ? ចម្លើយគឺ ក្នុងបរិបទនៃការបង្កើតសហគមន៍រួមវាសនារបស់មនុស្សជាតិ ប្រទេសចិនអនុវត្តដោយម្ចាស់ការនូវកំណែទម្រង់ផ្នែករចនាសម័្ពន្ធផ្គត់ផ្គង់បណ្តើរ ហើយពង្រីកការបើកទូយាលដោយម្ចាស់ការបណ្តើរដើម្បីពួតដៃគ្នាជាមួយបណ្តាប្រទេសនានានៅលើពិភពលោកក្នុងន័យឆ្លើយតបនឹងបញ្ហាប្រឈមគ្រប់បែបយ៉ាង ។ ពីការបង្កើតតំបន់ពាណិជ្ជកម្មសេរីសាកល្បងដល់ការលើកឡើងគំនិតផ្តួចផ្តើមស្តីពីការរួមគ្នាកសាង"ខ្សែក្រវាត់និងផ្លូវ" រហូតដល់ការរៀបចំពិព័រណ៍នាំចូលចិនអន្តរជាតិ ល។ល "ពុទ្ធិចិន" "បទពិសោធន៍ចិន"និង"កម្រោងចិន"បានធ្វើឱ្យពិភពលោកមើលឃើញពីការឆ្លើយតបយ៉ាងសកម្មរបស់ចិនចំពោះសំណួរថ្មីនិងយុគសម័យថ្មី ។ ប្រជាជនចិនមានជំនឿចិត្តលើផ្លូវរបស់ខ្លួន ពីព្រោះការបង្កើតសហគមន៍រួមវាសនារបស់មនុស្សជាតិមិនត្រឹមតែជាផ្លូវអភិវឌ្ឍន៍ដ៏ត្រឹមត្រូវប៉ុណ្ណោះទេ ថែមទាំងក៏ជាកម្លាំងចលករថ្មីសម្រាប់ឱ្យសេដ្ឋកិច្ចពិភពលោកដើរចេញផុតពីភាពលំបាកនិងឆ្ពោះទៅរកការងើបឡើងវិញផងដែរ ។
ឈរនៅចំណុចចាប់ផ្តើមនៃប្រវត្តិសាស្ត្រថ្មី កុលបុត្រកុលធីតាចិននឹងបន្តបង្កើតរឿងតំណាលដ៏អស្ចារ្យនៅលើមហាវិថីដ៍ធំទូលាយតាមរយៈឆន្ទៈតស៊ូដ៏ក្លៀវក្លា !