ថ្ងែទី៦ ខែមេសា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយសៀវភៅសស្តីពី«ការអនុវត្តជាក់ស្តែងរបស់ប្រទេសចិនក្នុងការកាត់បន្ថយភាពក្រីក្ររបស់មនុស្សជាតិ»។ សៀវភៅសបានរំលឹកឡើងវិញដោយគ្រប់ជ្រុងជ្រោយនូវដំណើរដ៏មហិមារបស់បក្សកុម្មុយនីស្តចិនក្នុងការសាមគ្គីគ្នានិងដឹកនាំប្រជាជនចិនប្រយុទ្ធប្រឆាំងនឹងភាពក្រីក្រនិងយកឈ្នះលើភាពក្រីក្រដាច់ខាតក្នុងរយៈពេល១០០ឆ្នាំកន្លងមក ហើយបានឆ្លុះបញ្ចាំងដោយគ្រប់ជ្រុងជ្រោយនូវសមិទ្ធិផលអភិវឌ្ឍន៍របស់ប្រទេសចិនក្នុងការកាត់បន្ថយភាពក្រីក្រនិងការចូលរួមចំណែកចំពោះពិភពលោក ។ ប្រការនេះបានបញ្ជាក់ម្តងទៀតនូវទស្សនៈរបស់អ្នកវិភាគមួយចំនួន ពោលគឺការកាត់បន្ថយភាពក្រីក្រដាច់ខាតរបស់ប្រទេសចិនជា“គម្រោងសិទ្ធិមនុស្សធំបំផុតនៅលើពិភពលោក”ផង ហើយក៏ជា “ការអនុវត្តជាក់ស្តែងលើវិស័យសិទិ្ធមនុស្សល្អបំផុត”ទៀតផង ។
ដោយឡែក ឆ្នាំនេះជាខួបទី១០០នៃការបង្កើតបក្សកុម្មុយនិស្តចិន ។ ចាប់ពីត្រូវបានបង្កើតឡើងមក បក្សកុម្មុយនិស្តចិនក៏ បានចាត់ទុកកិច្ចការស្វែងរកសុភមង្គលរបស់ប្រជាជនចិននិងការស្តារភាពរុងរឿងរបស់ប្រជាជាតិចិន ជាភារកិច្ចរបស់ខ្លួន ។ ពីការបង្កើតប្រទេសចិនថ្មីដែលយកប្រជាជនធ្វើជាម្ចាស់ផ្ទះដល់ការអនុវត្តគោលនយោបាយធ្វើកំណែទម្រង់និងបើកទូលាយ រហូតដល់គ្រោងផែនការកាត់បន្ថយភាពក្រីក្រដែលចែកជាដំណាក់កាលនីមួយៗ សមាជិកបក្សកុម្មុយនិស្តចិនប៉ុន្មានជំនាន់បានប្រកាន់ខ្ជាប់ស្មារតីឧស្សាហ៍ព្យាយាមនិងតស៊ូ ខិតខំបំពេញភារកិច្ចរហូតដល់បានសម្រេចបាននូវគោលដៅដោយជោគជ័យ។
ជាពិសេស តាំងពីសមាជបក្សកុម្មុយនិស្តចិនលើកទី១៨មក លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានចាត់ចែងការងារដោយផ្ទាល់ បក្សកាន់អំណាចចិនបានគ្រោងយុទ្ធសាស្ត្រជួយលុបបំបាត់ភាពក្រីក្រដោយចំគោលដៅ ដើម្បីយកជ័យជម្នះលើការលុបបំបាត់ភាពក្រីក្រដែលមានទ្រង់ទ្រាយធំជាងគេ មានកម្លាំងខ្លាំងក្លាជាងគេនិងផ្តល់ផលប្រយោជន៍ដល់ប្រជាជនច្រើនជាងគេក្នុងប្រវតិ្តសាស្ត្រមនុស្សជាតិ គិតជាមធ្យម ជារៀងរាល់ឆ្នាំ មានមនុស្សជាង១០លាននាក់ដើរចេញផុតពីភាពក្រីក្រ ។ សៀវភៅសបានឧទេ្ទសនាមថា ពីឆ្នាំ២០១៦ដល់ឆ្នាំ២០២០ នៅប្រទេសចិន ភូមិភាគស្វយ័តជនជាតិភាគតិចចំនួន៥ ព្រមនិងខេត្តGuizhou ខេត្តYunnanនិងខេត្តQinghai ដែលមានជនជាតិភាគតិចស្នាក់នៅច្រើនបានកាត់បន្ថយប្រជាជនក្រីក្រសរុប១៥លាន៦សែននាក់ ជនជាតិភាគតិចចំនួន២៨ដែលមានប្រជាជនតិចបង្គួរ សម្រេចបាននូវការបម្រះខ្លួនចេញពីភាពក្រីក្រទាំងអស់ ដោយឡែកក្នុងចំណោមប្រជាជនក្រីក្រជិត១រយលាននាក់ដែលសម្រេចបាននូវការបម្រះខ្លួនចេញពីភាពក្រីក្រ មានចំនួន៥០ភាគរយជាស្ត្រី ហើយបានបង្តើតដោយគ្រុងជ្រុងជ្រោយនូវរបបផ្តល់ប្រាក់ឧបត្ថម្ភកធនដល់មនុស្សចាស់ជរាដែលមានការលំបាកខាងសេដ្ឋកិច្ចនិងគ្មានសមត្ថភាពថែរក្សាខ្លួនឯងជាដើម ដែលបានផ្តល់អនុគ្រោះដល់មនុស្សចាស់ជរាចំនួន៣៦លាន ៨សែន៩ម៉ឺននាក់ ជនពិការក្រីក្រចំនួនជង៧លាននាក់សម្រេចបាននូវការបម្រះខ្លួនចេញពីភាពក្រីក្រតាមពេលកំណត់ ជនពិការចំនួន ១០លាន ៦សែន៦ម៉ឺន៧ពាន់នាក់បានត្រូវដាក់បញ្ចូលក្នុងរបបធានាជីវភាពរស់នៅអប្បបរមា ល។ល ។ កិច្ចខិតខំប្រឹងប្រែងរបស់ប្រទេសចិនដើម្បីលុបបំបាត់ភាពក្រីក្រ និងធានាសិទ្ធិមនុស្សទទួលបានការកោតសរសើរពីសំណាក់ពិភពលោកទាំងមូល ។ លោក Martin Jacques អ្នកសិក្សាស្រាវជ្រាវជាន់ខ្ពស់របស់សកលវិទ្យាល័យ Cambridge នៃប្រទេសអង់គ្លេសបានវាយតម្លៃថា ការលុបបំបាត់ភាពក្រីក្រដាច់ខាតជាសមិទ្ធផលដ៏អស្ចារ្យមួយរបស់បក្សកុម្មុយនិស្តចិនក្នុងការផ្លាស់ប្តូរមុខមាត់របស់ប្រទេសចិន ។
ក្នុងបរិបទនៃការរីករាលដាលនៃជំងឺឆ្លងនិងមានបម្រែបម្រួលមិនធ្លាប់មានក្នុងមួយរយឆ្នាំកន្លងទៅ ការអនុវត្តដោយជោគជ័យនិងបទពិសោធន៍ដ៏មានតម្លៃរបស់ប្រទេសចិនក្នុងការកាត់បន្ថយភាពក្រីក្រ បានរួមចំណែកផែនការចិនក្នុងការកាត់បន្ថយភាពក្រីក្រនិងអភិបាលកិច្ចជាសកល ហើយក៏បានបំពេញបន្ថែមកម្លាំងចលកររបស់ប្រទេសចិនក្នុងការជំរុញការការពារសិទ្ធិមនុស្សនៅទូទាំងពិភពលោកផងដែរ ៕