សៀវភៅសអំពី«ការអនុវត្តជាក់ស្តែងរបស់ចិនក្នុងការកាត់បន្ថយភាពក្រីក្ររបស់មនុស្សជាតិ»បានចេញផ្សាយនាថ្ងៃទី៦ ខែមេសា។ឥស្សរជននៃប្រទេសជាច្រើនបានវាយតម្លៃខ្ពស់ចំពោះសៀវភៅសនេះ ដោយយល់ឃើញថា ក្រោមការដឹកនាំរបស់បក្សកុម្មុយនិស្តចិន កិច្ចការកាត់បន្ថយភាពក្រីក្ររបស់ប្រទេសចិនទទួលបានសមិទ្ធផលជាលក្ខណៈប្រវត្តិសាស្ត្រ ហើយបានរួមចំណែកដ៏សំខាន់សម្រាប់កិច្ចការកាត់បន្ថយភាពក្រីក្រនៅទូទាំងពិភពលោកនិងការវិវឌ្ឍរីកចម្រើនរបស់មនុស្សជាតិ បទពិសោធន៍ដែលមានផលប្រយោជន៍របស់ប្រទេសចិនគឺគួរឱ្យរៀនសូត្រតាម។
នាយរងខុទ្ទកាល័យមជ្ឈិមបក្សបដិវត្តន៍ប្រជាជនឡាវបានថ្លែងថា ប្រទេសចិនបានសម្រេចគោលដៅលុបបំបាត់ភាពក្រីក្រតាមពេលកំណត់ស្របនឹងពេលប្រយុទ្ធប្រឆាំងនឹងជំងឺកូវីដ១៩ នេះបានបង្ហាញថា បក្សកុម្មុយនិស្តចិនជាគណបក្សមួយដែលបម្រើប្រជាជនដោយអស់ពីចិត្តពីថ្លើម សង្ឃឹមថា ប្រទេសនានាលើពិភពលោកអាចទទួលបានផលប្រយោជន៍ពីបទពិសោធន៍លុបបំបាត់ភាពក្រីក្ររបស់ចិន ដើម្បីចាប់ដៃរួមគ្នាកសាងសហគមន៍រួមវាសនាតែមួយរបស់មនុស្សជាតិដែលគ្មានភាពក្រីក្រនិងមានការអភិវឌ្ឍរួម។
អ្នកនិពន្ធនៃកាសែតPhilippineStarបានលើកឡើងថា ការអនុវត្តជាក់ស្តែងរបស់ប្រទេសចិនបានបំផុសគំនិតដល់ហ្វីលីពីន ពោលគឺការលុបបំបាត់ភាពក្រីក្រមិនអាចឃ្លាតពីការដឹកនាំដ៏មុតមាំ កម្លាំងរួមសាមគ្គីរបស់ប្រជាជននិងការប្តេជ្ញាចិត្តខាងធ្វើកំណែទម្រង់នោះឡើយ។
បញ្ញវន្តសិក្សាស្រាវជា្រវអំពីទំនាក់ទំនងរវាងប្រទេសចិន-អាស៊ានបានថ្លែងថា សៀវភៅសនេះបានធ្វើឱ្យយើងមើលឃើញថា ប្រទេសចិនបានប្រកាន់ខ្ជាប់ការបើកទូលាយនិងបរិយាប័ន្ន ខិតខំអភិវឌ្ឍដើម្បីភាពរុងរឿង ព្រមទាំងរីករាយរួមសហការជាមួយប្រទេសដទៃដើម្បីរួមគ្នាកសាងពិភពលោកកាន់តែល្អប្រសើរ៕
