ថ្ងៃទី៥ខែមីនា លោកលីខឺឈាងនាយករដ្ឋមន្ត្រីនៃក្រុមប្រឹក្សាកិច្ចការរដ្ឋចិនបានលើកឡើងក្នុងបាយការណ៍ការងាររដ្ឋាភិបាលចិនដែលថ្លែងក្នុងកិច្ចប្រជុំប្រចាំឆ្នាំនៃមហាសន្និបាតសភាតំណាងប្រជាជនទូទាំងប្រទេសចិនថា នៅឆ្នាំ២០២១ ការអភិវឌ្ឍរបស់ប្រទេសចិននៅតែប្រឈមនឹងហានិភ័យនិងបញ្ហាជាច្រើន ប៉ុន្តែទំហំនៃកំណើនសេដ្ឋកិច្ចរយៈពេលវែងគឺមិនផ្លាស់ប្តូរទេ ពោលគឺគោលដៅនៃកំណើនផលិតផលក្នុងស្រុកសរុបរបស់ប្រទេសចិននឹងលើសពី៦ភាគរយ។
នៅពេលមុននេះ យោងតាមទិន្នន័យដែលចេញផ្សាយដោយរដ្ឋបាលជាតិស្ថិតិចិនបានបង្ហាញថា ប្រឈមមុខនឹងបរិយាកាសតានតឹងនិងស្មុគស្មាញទាំងក្នុងស្រុកនិងក្រៅប្រទេស ជាពិសេសផលប៉ះពាល់ដ៏ធ្ងន់ធ្ងរដែលបណ្តាលពីការរីករាលដាលនៃជំងឺកូវីដ១៩ ផលិតផលក្នុងស្រុកសរុបរបស់ប្រទេសចិនក្នុងឆ្នាំ ២០២០ មានចំនួន ១០១,៦ ទ្រីលានយាន់ប្រាក់ចិន បើធៀបនឹងរយៈពេលដូចគ្នានៃឆ្នាំ២០១៩ បានកើនឡើង២,៣ភាគរយ ដែលបានក្លាយជាអង្គភាពសេដ្ឋកិច្ចសំខាន់តែមួយគត់នៅលើពិភពលោកដែលបានសម្រេចកំណើនវិជ្ជមាន៕