ចាប់តាំងពីការធ្វើកំណែទម្រង់និងការបើកទូលាយរបស់ប្រទេសចិនមក អនុលោមតាមការគណនាតាមបទដ្ឋានភាពក្រីក្របច្ចុប្បន្នរបស់ប្រទេសចិន ប្រជាជនក្រីក្រនៅជនបទចំនួន៧៧០ លាននាក់បានចេញផុតពីភាពក្រីក្រ។ យោងតាមស្តង់ដារភាពក្រីក្រអន្តរជាតិរបស់ធនាគារពិភពលោក ចំនួនកាត់បន្ថយភាពក្រីក្ររបស់ប្រជាជនចិនត្រូវជាជាង៧០ភាគរយនៃចំនួនប្រជាជនក្រីក្រនៅទូទាំងពិភពលោកក្នុងរយៈពេលដូចគ្នា។
ថ្ងៃទី២៥ ខែកុម្ភៈ លោកស៊ីជីនភីង មេដឹកនាំកំពូលនៃបក្សនិងរដ្ឋចិនបានថ្លែងនៅក្នុងមហាសន្និបាតបូកសរុបលទ្ធផលការងារនិងផ្តល់ប័ណ្ណសរសើរស្តីពីសមិទ្ធផលពុះពារឧបសគ្គក្នុងការលុបបំបាត់ភាពក្រីក្រទូទាំងប្រទេសចិនថា ប្រទេសចិនធ្វើកិច្ចសហប្រតិបត្តិការអន្តរជាតិផ្នែកកាត់បន្ថយភាពក្រីក្រយ៉ាងសកម្ម អនុវត្តទំនួលខុសត្រូវអន្តរជាតិក្នុងការកាត់បន្ថយភាពក្រីក្រ ផ្តល់ជំនួយដល់ប្រទេសកំពុងអភិវឌ្ឍន៍តាមលទ្ធភាពរបស់ខ្លួននិងជាអ្នកជំរុញយ៉ាងខ្លាំងក្លាក្នុងបុព្វហេតុកាត់បន្ថយភាពក្រីក្រអន្តរជាតិ។សមិទ្ធផលរបស់ប្រទេសចិនក្នុងការកាត់បន្ថយភាពក្រីក្រជារបស់ប្រទេសចិននិងពិភពលោក ហើយក៏បានចូលរួមចំណែកកម្លាំងចិនសម្រាប់ការកសាងសហគមន៍រួមវាសនាតែមួយនៃមនុស្សជាតិផងដែរ៕