លោកវេជ្ជបណ្ឌិត Dominic Dwyer សមាជិកក្រុមអ្នកជំនាញស្វែងរកប្រភពដើមនៃវីរុសកូវីដ19នៃអង្គការសហប្រជាជាតិ និងជាសាស្ត្រាចារ្យសកលវិទ្យាល័យស៊ីដនីប្រទេសអូស្ត្រាលីបានបង្ហោះអត្ថបទលើគេហទំព័រ the Conversation នាពេលថ្មីៗនេះដោយបានរំលឹកពីសកម្មភាពក្នុងអំឡុងពេលបំពេញការងារនៅប្រទេសចិន ហើយបានសង្កត់ធ្ងន់ថាវីរុសកូវីដ19គ្មានលទ្ធភាពធ្លាយចេញពីបន្ទប់ពិសោធន៍នោះទេ។
លោក Dwyer បានសរសេរថា ក្រុមអ្នកជំនាញបានធ្វើការងារជាច្រើន និងផ្លាស់ប្តូរបទពិសោធន៍ជាមួយអ្នកស្រាវជ្រាវចិន បានជួបជាមួយអ្នកជំងឺដែលឆ្លងក្នុងខណៈពេលទើបចាប់ផ្តើមរីករាលដាល បានទៅពិនិត្យផ្ទាល់នៅក្នុងទីក្រុងវូហាន និងបានសិក្សាលើឯកសារជាច្រើន។ ក្រុមអ្នកជំនាញបានយល់ឃើញថា គ្មានភស្តុតាងច្បាស់លាស់ណា ដែលអាចបញ្ជាក់ថា មុនពេលរកឃើញករណីឆ្លងទីមួយ ជំងឺកូវីដ19ក៏បានរាលដាលជាទូទៅនៅក្រុងវូហាននោះទេ។
លោកបានសង្កត់ធ្ងន់ថា វីរុសកូវីដ19 គ្មានលទ្ធភាពធ្លាយចេញពីបន្ទប់ពិសោធន៍នោះទេ ហើយការទៅពិនិត្យអង្កេតនៅចិនគ្រាន់តែជាដំណាក់កាលទីមួយ។ បុគ្គលិកពិនិត្យអង្កេតនឹងប្រមូលទិន្នន័យពីកន្លែងកាន់តែច្រើនទៀត ក្នុងនោះដូចជាការទៅពិនិត្យពីសភាពការណ៍ដែលជំងឺកូវីដ19ចាប់ផ្តើមរាលដាលក្នុងទ្វីបអឺរ៉ុបកាលពីឆ្នាំ២០១៩ជាដើម៕
