ពេលកន្លងទៅនេះ មជ្ឈមណ្ឌលបង្ការនិងគ្រប់គ្រងជំងឺឆ្លងអាមេរិក ហៅកាត់CDCបានចេញផ្សាយរបាយការណ៍មួយអំពីអាយុកាលរំពឹងទុកជាមធ្យមរបស់ជនជាតិអាមេរិក ។ របាយការណ៍បានបង្ហាញថា នៅឆមាសទី ១ ឆ្នាំ ២០២០ អាយុកាលជាមធ្យមនៃជនជាតិអាមេរិកបានធ្លាក់ចុះមួយឆ្នាំ គឺពី 78,8ឆ្នាំនាឆ្នាំ ២០១៩ មកនៅត្រឹម 77,8 ឆ្នាំ ។ របាយការណ៍ចែងថា ជំងឺកូវីដ១៩បណ្តាលឱ្យមនុស្សជាច្រើនស្លាប់បាត់បង់ជីវិតគឺជាមូលហេតុសំខាន់ដែលនាំឱ្យអាយុកាលរំពឹងទុកនៃជនជាតិអាមេរិកត្រូវធ្លាក់ចុះ ។
ក្នុងរបាយការណ៍នេះ យើងក៏បានឃើញបញ្ហាមួយទៀត គឺវិសមភាពជាតិសាសន៍ ។ តាមទិន្នន័យនៃរបាយការណ៍បានឱ្យដឹងថា ជនជាតិអាមេរិកដើមកំណើតអាហ្រ្វិកនិងជនជាតិអាមេរិកដើមកំណើតអាមេរិកឡាទីនជាច្រើនមិនអាចទទួលបានការថែទាំខាងសុខភាពនិងការធានាខាងសេដ្ឋកិច្ចប្រកបដោយគុណភាពខ្ពស់នោះទេ ។ ទិន្នន័យដែលចុះផ្សាយដោយប្រព័ន្ធសារព័ត៌មានអាមេរិកកាលពីខែឧសភាឆ្នាំ ២០២០ បានបង្ហាញថា ជនជាតិអាមេរិកដើមកំណើតអាហ្រ្វិកដែលត្រូវជា 13,2 ភាគរយនៃចំនួនប្រជាជនអាមេរិកមានអត្រាស្លាប់ 22,4 ភាគរយក្នុងករណីស្លាប់ដោយសារជំងឺកូវីដ១៩ រីឯជនជាតិស្បែកសដែលត្រូវជា 62,1 ភាគរយនៃចំនួនប្រជាជនអាមេរិក មានអត្រាត្រឹមតែ 52,3 ភាគរយប៉ុណ្ណោះក្នុងករណីស្លាប់ដោយសារជំងឺកូវីដ១៩ ។
ការប្រងើយកន្តើយចំពោះសិទ្ធិរស់រានមានជីវិត ការរើសអើងពូជសាសន៍និងគម្លាតរវាងអ្នកមាននិងអ្នកក្រជាដើម សុទ្ធតែបានបង្ហាញថា ជំងឺកូវីដ១៩ បានធ្វើឱ្យសិទ្ធិមនុស្សរបស់ប្រជាជនអាមេរិកកំពុងអាប់អួទៅៗ ៕
