វេលាព្រឹកថ្ងៃទី២២ ខែកុម្ភៈ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនបានជួបសំណេះសំណាលជាមួយតំណាងបុគ្គលិកដែលចូលរួមការងារសិក្សាស្រាវជ្រាវនិងធ្វើតេស្តដែលជាគម្រោងរុករកភពព្រះចន្ទរបស់ចិនព្រមទាំងយានអវកាស ChangE-5 ហើយនិងទស្សនាពិរណ៍អំពីគំរូភពព្រះចន្ទនិងសមិទ្ធផលនៃគម្រោងរុករកភពព្រះចន្ទ លោកបានវាយតម្លៃខ្ពស់ចំពោះសមិទ្ធផលដែលទទួលបានក្នុងគម្រោងរុករកភពព្រះចន្ទជាពិសេសគឺ ភារកិច្ចនៃយានអវកាស ChangE-5។លោកបានសង្កត់ធ្ងន់ថា ត្រូវផ្សព្វផ្សាយពីស្មារតីរុករកភពព្រះចន្ទ ផ្សព្វផ្សាយពីឧត្តមភាពនៃ របបទូទាំងប្រទេសបែបថ្មី បន្តធ្វើកិច្ចខិតខំប្រឹងប្រែងឥតឈប់ឈរក្នុងផ្នែកបច្ចេកវិទ្យា ដើម្បីបម្រើដល់ស្ថានការណ៍អភិវឌ្ឍន៍ទូទៅនៃប្រទេសជាតិ ផ្តើមដំណើរថ្មីនៃការរុករកភពផ្កាយដោយមួយជំហានម្តង ៗ បន្តជំរុញការច្នៃប្រឌិតថ្មីនិងការអភិវឌ្ឍក្នុងកិច្ចការអវកាសរបស់ប្រទេសចិន ដើម្បីរួមចំណែកថ្មីនិងកាន់តែច្រើនថែមទៀតសម្រាប់មនុស្សជាតិប្រើប្រាស់លំហអវកាសដោយសន្តិភាព៕