ថ្ងៃទី២២ ខែកុម្ភៈតាមម៉ោងក្នុងតំបន់ កិច្ចប្រជុំលើកទី៤៦នៃក្រុមប្រឹក្សាសិទ្ធិមនុស្សនៃអង្គការសហប្រជាជាតិបានបើកធ្វើនៅក្រុងហ្សឺណែវ។លោកGuterresអគ្គលេខាធិការនៃអង្គការសហប្រជាជាតិដាស់តឿនសហគមន៍អន្តរជាតិឱ្យចែកចាយវ៉ាក់សាំងប្រឆាំងនឹងជំងឺកូវីដ១៩ដោយយុត្តិធម៌។
តាមរយៈសុន្ទរកថានាថ្ងៃដដែល លោកGuterresបានចង្អុលបង្ហាញថា ជំងឺកូវីដ១៩បានរីករាលដាលនៅទូទាំងពិភពលោក នេះជាការបង្ហាញពីភាពពាក់ព័ន្ធគ្នាលើគ្រប់វិស័យនៃមហាគ្រួសាររបស់មនុស្សជាតិ។យ៉ាងណាមិញជំងឺកូវីដ១៩បានធ្វើឱ្យការខ្វែងគំនិត ភាពផុយស្រួយនិងភាពអយុត្តិធម៌កាន់តែស៊ីជម្រៅ ហើយបង្កជាស្នាមប្រេះថ្មី បូករួមទាំងបញ្ហាសិទ្ធិមនុស្សផងដែរ។
លោកGuterresបន្តទៀតថា វ៉ាក់សាំងប្រឆាំងនឹងជំងឺកូវីដ១៩មិនអាចត្រូវបានប្រើប្រាស់ដោយយុត្តិធម៌ គឺជាបញ្ហាថ្មីដែលសកលលោកកំពុងប្រឈមមុខ។ភាពយុត្តិធម៌ផ្នែកវ៉ាក់សាំងគឺការគាំពារសិទ្ធិមនុស្ស។វ៉ាក់សាំងជាតិនិយមគឺមិនគិតគូពីសិទ្ធិមនុស្ស។វ៉ាក់សាំងចំបាច់ត្រូវក្លាយទៅជាផលិតផលសាធារណៈជាសកល ដើម្បីឱ្យមនុស្សទាំងអស់សុទ្ធតែអាចប្រើប្រាស់បាន៕
