ថ្ងៃទី២២ ខែកុម្ភៈ លោកWangYi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីក្រសួងការបរទេសចិនបានអញ្ជើញចូលរួមព្រមទាំងថ្លែងសុន្ទរកថាក្នុងកិច្ចប្រជុំជាន់ខ្ពស់នៃសន្និសីទលើកទី៤៦នៃក្រុមប្រឹក្សាសិទិ្ធមនុស្សរបស់អង្គការសហប្រជាជាតិតាមប្រព័ន្ធវីដេអូ ។
លោកWangYiថ្លែងថា ប្រឈមមុខនឹងបម្រែបម្រួលនិម្មាបនកម្មនិងជំងឺឆ្លងដែលពុំធ្លាប់កើតមានក្នុងអំឡុងពេលមួយសតវត្សរ៍កន្លងទៅ តើធ្វើដូចម្តេចទើបអាចជំរុញនិងការពារសិទ្ធិមនុស្ស?គំនិតផ្តួចផ្តើមរបស់ប្រទេសចិនគឺ៖ទី១ ប្រកាន់ខ្ជាប់នូវទស្សនៈសិទ្ធិមនុស្សដែលតម្កល់ប្រជាជនជាស្នូល ។ ទី២ ប្រកាន់ខ្ជាប់នូវការគួបផ្សំគ្នារវាងសកលភាវូបនីយកម្មសិទ្ធិមនុស្សជាមួយនិងសភាពការណ៍ពិតនៃប្រទេសនីមួយៗ ។ ទី៣ ប្រកាន់ខ្ជាប់នូវការជំរុញសិទ្ធិមនុស្សគ្រប់ប្រភេទក្នុងលក្ខណៈជាប្រព័ន្ធ។ ទី៤ ប្រកាន់ខ្ជាប់នូវកិច្ចសន្ទនានិងកិច្ចសហប្រតិប្តិតការសិទ្ធិមនុស្សអន្តរជាតិ៕