វេលាព្រឹកថ្ងៃទី១០ខែកុម្ភៈ គណៈកម្មាធិការមជ្ឈិមបក្សកុម្មុយនិស្តចិននិងក្រុមប្រឹក្សាកិច្ចការរដ្ឋចិនបានរៀបចំពិធីជួបជុំបុណ្យចូលឆ្នាំចិនឆ្នាំឆ្លូវ២០២១នៅវិមានសភាប្រជាជន។លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មការយោធាមជ្ឈិមចិនបានថ្លែងសុន្ទរកថា តំណាងឱ្យគណៈកម្មាធិការមជ្ឈិមបក្សកុម្មុយនិស្តចិននិងក្រុមប្រឹក្សាកិច្ចការរដ្ឋចិនជូនពរឆ្នាំថ្មីចំពោះប្រជាជនគ្រប់ជនជាតិនៅទូទាំងប្រទេសចិន បងប្អូនជនរួមជាតិនៅតំបន់រដ្ឋបាលពិសេសហុងកុង ម៉ាកាវនិងតំបន់តៃវ៉ាន់ និងជនជាតិចិននៅបរទេស។
លោកស៊ីជីនភីងបានសង្កត់ធ្ងន់ថា ក្នុងរយៈពេល ១០០ ឆ្នាំកន្លងមកនេះ គណៈបក្សកុម្មុយនិស្តចិនបានប្រកាន់ខ្ជាប់នូវគោលបំណងដើមដែលស្វែងរកសុភមង្គលសម្រាប់ប្រជាជនចិន មិនខ្លាចការលំបាកនិងឧបសគ្គ មិនខ្លាចការបង្ហូរឈាមពលីជីវិត ហើយទទួលបានគាំទ្រយ៉ាងទូលំទូលាយពីប្រជាជនចិនចំនួន1400លាននាក់។យើងត្រូវតែបន្តខិតខំប្រឹងប្រែង ឆ្ពោះទៅមុខ ហើយនិងបន្តចូលរួមចំណែកថ្មីៗនិងកាន់តែច្រើនដល់បុព្វហេតុខ្ពង់ខ្ពស់នៃសន្តិភាពនិងការអភិវឌ្ឍរបស់មនុស្សជាតិ។
លោកស៊ីជីនភីងបានសង្កត់ធ្ងន់ទៀតថា នៅក្នុងវប្បធម៌ចិន គោគឺជានិមិត្តរូបនៃការខិតខំប្រឹងប្រែង ការឧទ្ទិស ការឈានទៅមុខ និងកម្លាំង។នៅតាមផ្លូវឈានទៅមុខ យើងនឹងបង្កើតភាពរុងរឿងថ្មីជាប្រវត្តិសាស្ត្រក្នុងយុគសម័យថ្មីដោយកម្លាំងគោដែលមិនខ្លាចការលំបាកនិងមិនខ្លាចការនឿយហត់ ។
មេដឹកនាំចិនមានលោកLiKeqiang លោក Li zhan shu លោកWangYang លោកZhaoLeji លោកHanZheng លោកWangQishanបានចូលរួមពិធីជួបជុំ៕