វេទិកាសេដ្ឋកិច្ចពិភពលោកដែលមានទីស្នាក់ការទូទៅនៅក្រុងហ្សឺណែវនឹងបើកធ្វើកិច្ចសន្ទនាស្តីពី”របៀបវារៈដាវ៉ូស”តាមអនឡាញពីថ្ងៃទី២៥ដល់២៩ខែមករាឆ្នាំ២០២១នេះ។ ក្នុងពិធីបដិសណ្ឋារកិច្ចដែលធ្វើតាមអនឡាញ លោកSchwabស្ថាបនិកនិងជាប្រធានប្រតិបត្តិនៃវេទិកាសេដ្ឋកិច្ចពិភពលោកបានអំពាវនាវបណ្តាភាគីនានាឱ្យកសាងទំនុកចិត្តលើគ្នាឡើងវិញនិងបង្កើនកិច្ចសហប្រតិបត្តិការជាសកល។
លោកSchwabបានថ្លែងថា ឆ្នាំ២០២១ជាមួយឆ្នាំដ៏គន្លឹះ ហើយក៏ជាមួយឆ្នាំដែលមានសារៈសំខាន់ណាស់ចំពោះអនាគតរបស់យើងផងដែរ។ “ពួកយើងមានឱកាសអាចដើរចេញពីដំណាក់កាលដ៏លំបាកបំផុតនៃវិបត្តជំងឺកូវីដ១៩តាមរយៈការប្រើវ៉ាក់សាំង ក្នុងពេលជាមួយគ្នានេះ ពួកយើងគួរតែធ្វើឱ្យសេដ្ឋកិច្ចនិងសង្គមកាន់តែប្រកបដោយភាពធន់ បរិយាប័ន្ននិងនិរន្តរភាព។
លោកSchwabបានគូសបញ្ជាក់ថា ភារកិច្ចចម្បងនាពេលបច្ចុប្បន្នគឺកសាងទំនុកចិត្តលើគ្នាឡើងវិញ ប៉ុន្តែ ការកសាងទំនុកចិត្តឡើងវិញតម្រូវឱ្យមានការបង្កើនកិច្ចសហប្រតិបត្តិការជាសកល ជំរុញសង្គមទាំងមូលឱ្យចូលរួមជាមួយគ្នា ដើម្បីរួមចំណែករបស់ខ្លួនចំពោះការកសាងអនាគតកាន់តែល្អបវរ ៕
