ថ្ងៃទី ១៣ ខែមករា ក្នុងឱកាសបំពេញទស្សនកិច្ចនៅប្រទេសឥណ្ឌូណេស៊ី លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីក្រសួងការបរទេសចិនបានឆ្លើយតបសំណួរអំពីពហុភាគីនិយមដែលលើកឡើងដោយអ្នកកាសែតអន្តរជាតិ។
លោក Wang Yi បានថ្លែងថា សហគមន៍អន្តរជាតិសុទ្ធតែរំពឹងថារដ្ឋាភិបាលថ្មីអាមេរិកអាចគោរពពហុភាគីនិយមឡើងវិញ ហើយប្រទេសចិនក៏សូមស្វាគមន៍ចំពោះប្រការនេះផងដែរ។ ពហុភាគីនិយមដ៏ពិតប្រាកដ ត្រូវប្រកាន់ខ្ជាប់អនុវត្តតាមវត្ថុបំណងនិងគោលការណ៍នៃ«ធម្មនុញ្ញអង្គការសហប្រជាជាតិ» គោរពក្រមមូលដ្ឋាននៃទំនាក់ទំនងអន្តរជាតិ, ត្រូវប្រកាន់ខ្ជាប់ការគោរពអធិបតេយ្យភាពរបស់ប្រទេសនានា ពោលគឺប្រទេសធំនិងប្រទេសតូចស្មើភាពគ្នា, ត្រូវប្រកាន់ខ្ជាប់ពិពិធកម្មនៃសកលលោក ពោលគឺគោរពសិទ្ធិអភិវឌ្ឍន៍ស្របច្បាប់និងមាគ៌ាអភិវឌ្ឍន៍ដែលជាជម្រើសម្ចាស់ការរបស់ប្រទេសនានា , ត្រូវប្រកាន់ខ្ជាប់ការពិគ្រោះពិភាក្សាលើកិច្ចការអន្តរជាតិដោយភាគីនានា ដើម្បីជំរុញការធ្វើប្រជាធិបតេយ្យភាវូបនីយកម្មនៃទំនាក់ទំនងអន្តរជាតិ ។ យើងប្រឆាំងការលាបពណ៌លើពហុភាគីនិយម ក្នុងបំណងធ្វើនយោបាយសម្ព័ន្ធបែបបិទទ្វារ, ប្រឆាំងការយកពហុភាគីនិយមធ្វើជាលេស ដើម្បីបង្ខំសហគមន៍អន្តរជាតិឱ្យធ្វើតាមប្រទេសមួយចំនួនតូច , ប្រឆាំងនឹងការមួលបង្កាច់ពហុភាគីនិយមថាជាការធ្វើមនោគមវិជ្ជា ក្នុងគោលបំណងបង្កើតជាសម្ព័ន្ធដៃគូដើម្បីប្រឆាំងប្រទេសណាមួយជាពិសេស។
លោក Wang Yi បានសង្កត់ធ្ងន់ថា មានតែអនុវត្តពហុភាគីនិយមដ៏ពិតប្រាកដ ទើបអាចគាំពារសន្តិភាព ស្ថិរភាព និងវឌ្ឍនភាពនៃសកលលោកឱ្យបានល្អ ។ សហគមន៍អន្តរជាតិគួរប្រុងប្រយ័ត្ននឹងពហុភាគីនិយមបែបលាក់ពុត ដែលនាំមកតែភាពបាក់បែកថ្មីនិងការប៉ះទង្គិចថ្មីតែប៉ុណ្ណោះ៕