ថ្ងៃទី ១៤ ខែមករា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានរៀបចំសន្និសីទសារព័ត៌មានអំពីសភាពការនាំចូលនាំចេញប្រចាំឆ្នាំ២០២០ អ្នកនាំពាក្យអគ្គនាយកដ្ឋានគយចិនបានថ្លែងថា ក្នុងឆ្នាំ២០២០ ប្រឈមមុខនឹងស្ថានការណ៍ដ៏ស្មុគស្មាញនិងតាងតឹងទាំងក្នុងនិងក្រៅប្រទេស និងផលប៉ះពាល់យ៉ាងធ្ងន់ធ្ងរពីជំងឺកូវីដ១៩ ប្រទេសចិនបានក្លាយជាអង្គភាពសេដ្ឋកិច្ចសំខាន់តែមួយគត់ដែលសម្រេចបានកំណើនវិជ្ជមាននៅលើពិភពលោក ក្នុងនោះទំហំពាណិជ្ជកម្មជាមួយបរទេសបានបង្កើតកំណត់ត្រាថ្មីថែមទៀត។
ក្នុងឆ្នាំ២០២០ ទំហំសរុបនៃការនាំចេញនាំចូលពាណិជ្ជកម្មទំនិញរបស់ប្រទេសចិនត្រូវជា៣២,១៦ទ្រីលានយាន់ប្រាក់ចិន បើធៀបនឹងឆ្នាំ២០១៩បានកើនឡើង១,៩ភាគរយ។
នៅឆ្នាំ២០២០ ដៃគូពាណិជ្ជកម្មរបស់ប្រទេសចិនកាន់តែមានភាពចម្រុះបែប។ដៃគូពាណិជ្ជកម្មធំទាំង៥គឺអាស៊ាន សហភាពអឺរ៉ុប សហរដ្ឋអាមេរិក ជប៉ុន និងកូរ៉េខាងត្បូង ដែលសុទ្ធតែបានសម្រេចកំណើនទាំងក្នុងការនាំចេញនិងនាំចូល ។
ទន្ទឹមនឹងនេះ ប្រទេសចិនបានខិតខំអស់លទ្ធភាពរបស់ខ្លួនក្នុងការផ្គត់ផ្គង់និងនាំចេញសម្ភារៈប្រឆាំងនឹងជំងឺកូវីដ១៩ទៅកាន់ប្រទេសនិងតំបន់ជាង២០០នៅជុំវិញពិភពលោក ដែលបានគាំទ្រយ៉ាងខ្លាំងដល់ការប្រយុទ្ធប្រឆាំងនឹងជំងឺកូវីដ១៩នៃពិភពលោកទាំងមូលទៀតផងដែរ៕
