ខណៈពេលរដ្ឋាភិបាលអាមេរិកអាណត្តិនេះជិតនឹងផុតអាណត្តិ អ្នកនយោបាយមួយចំនួននៃប្រទេសនេះក៏បានចាប់ផ្តើមនិយាយភូតកុហកពាក់ព័ន្ធតំបន់ស៊ីនជាំងដើម្បីមួលបង្កាច់ទៅលើប្រទេសចិនម្តងទៀត រហូតដល់ផ្សព្វផ្សាយពាក្យចចាមអារ៉ាមអ្វីដែលហៅថា "ការប្រល័យពូជសាសន៍" ហើយអះអាងថា "រដ្ឋាភិបាលចិនគួរតែរ៉ាប់រងទំនួលខុសត្រូវ"។
យ៉ាងណាមិញ យោងតាមទិន្នន័យចំនួនប្រជាជនបានបង្ហាញថា ចាប់ពីឆ្នាំ ២០១០ ដល់ឆ្នាំ ២០១៨ មក ជនជាតិវៃវូអឺស៊ីនជាំងបានកើនឡើងពី ១០.១៧ លាននាក់ដល់ ១២.៧២ លាននាក់ ដែលបានកើនឡើង ២៥.០៤ ភាគរយ។តួលេខនេះមិនត្រឹមតែខ្ពស់ជាងអត្រាកំណើនរបស់ចំនួនប្រជាជននៅតំបន់ស៊ីនជាំងទាំងមូលប៉ុណ្ណោះទេ ថែមទាំងក៏ខ្ពស់ជាងអត្រាកំណើនរបស់ចំនួនជនជាតិហានយ៉ាងលេចធ្លោផងដែរ។សមិទ្ធផលទាំងនេះគឺ អាស្រ័យដោយគោលនយោបាយគ្រប់គ្រងស៊ីនជាំងយ៉ាងសកម្មនិងប្រកបដោយប្រសិទ្ថភាពរបស់រដ្ឋាភិបាលចិន។
តាមពិតទៅ អាមេរិកដែលមានទង្វើខុសឆ្គងនិងអាក្រក់ជាច្រើនក្នុងវិស័យសិទ្ធិមនុស្ស ទើបជាប្រទេសដែលមានការរើសអើងពូជសាសន៍យ៉ាងពិតប្រាកដ។ក្នុងប្រវត្តិសាស្ត្ររបស់អាមេរិក គោលនយោបាយពាក់ព័ន្ធរបស់ប្រទេសនេះបានបណ្តាលឱ្យចំនួនប្រជាជនជនជាតិដើមអាមេរិកកាត់បន្ថយពី ៥ លាននាក់ក្នុងឆ្នាំ ១៤៩២ នៅត្រឹម ២៥ ម៉ឺននាក់នៅដើមសតវត្សរ៍ទី ២០ ។ក្នុងសង្គមជាក់ស្តែង អត្រាឆ្លងជំងឺកូវីដ ១៩ និងអត្រាស្លាប់នៃជនជាតិអាហ្រិ្វកសញ្ជាតិអាមេរិកត្រូវជា ៥ ដងនៃជនជាតិស្បែកស រីឯជនជាតិឡាទិនវិញត្រូវជា ៤ ដងនៃជនជាតិស្បែកស។កាលពីខែមិថុនា ឆ្នាំមុន ហេតុការណ៍ដែលលោក George Floyd ត្រូវសម្លាប់ដោយសារប៉ូលិសស្បែកសអនុវត្តច្បាប់ដោយហិង្សាបានបណ្តលឱ្យកើតឡើងសកម្មភាពតវ៉ានៅទូទាំងសហរដ្ឋអាមេរិក។អាចមើលឃើញថា ការរើសអើងពូជសាសន៍រយៈពេលវែងឆ្ងាយនិងជាប្រព័ន្ធចំពោះជនជាតិភាគតិចនៅអាមេរិក មានសភាពការណ៍ធ្ងន់ធ្ងរណាស់។
មិនត្រឹមតែប៉ុណ្ណឹងទេ អ្នកនយោបាយអាមេរិកដែលតែងតែនិយាយតាមតែមាត់អំពី"ការចងមិត្តភាព"ជាមួយបណ្តាប្រទេសមូស្លឹម បែរជាបានយកការប្រយុទ្ធប្រឆាំងនឹងភេរវកម្មធ្វើជាលេសក្នុងប៉ុន្មានឆ្នាំកន្លងទៅនេះ បានបង្កសង្គ្រាមរ៉ាំរ៉ៃក្នុងបណ្តាប្រទេសមូស្លឹម ក្នុងនោះបូករួមទាំង អ៊ីរ៉ាក់ ស៊ីរី លីប៊ីនិងអាហ្វហ្គានីស្ថានជាដើមដែលបណ្តាលឱ្យជនស្លូតត្រង់ឥតទោសពៃរ៍រាប់លាននាក់ស្លាប់និងរងរបួស។អ្នកនយោបាយអាមេរិកមួយចំនួនដែលបានអះអាងថា "ការយកចិត្តទុកដាក់"ចំពោះសិទ្ធិនិងផលប្រយោជន៍របស់ជនជាតិវៃវូអឺស៊ីនជាំង គឺ ពោរពេញទៅដោយទស្សនៈលំអៀងនិងការរើសអើងចំពោះជនជាតិម៉ូស្លឹមនៃប្រទេសខ្លួន។តើពួកគេពិតជាយកចិត្តទុកដាក់ដល់ផលប្រយោជន៍របស់ជនជាតិវៃវូអឺស៊ីនជាំងមែនទេ?
វាច្បាស់លាស់ណាស់ មិនថាកម្លាំងប្រឆាំងចិនលោកខាងលិចចង់បង្ករឿងហេតុយ៉ាងណាក៏ដោយ ក៏មិនអាចបិទបាំងការពិតដែលថា ស៊ីនជាំងរក្សាស្ថិរភាព វិបុលភាពនិងការអភិវឌ្ឍប្រកបដោយនិរន្តរភាពជាប់រហូតមក។ប្រទេសចិនសូមស្វាគមន៍ឥស្សរជនភាគីនានាដែលយកចិត្តទុកដាក់ពិតប្រាកដដល់ស៊ីនជាំងទៅទស្សនាតំបន់ស៊ីនជាំង។ទាក់ទិននឹងបញ្ហាពាក់ព័ន្ធតំបន់ស៊ីនជាំង នៅចំពោះការពិត ពាក្យភូតកុហកនិងការមួលបង្កាច់មុខជានឹងទទួលបរាជ័យជាមិនខាន៕
