លោក ស៊ី ជីនភីង បានថ្លែងនៅថ្ងៃទី ២៣ ខែតុលា ឆ្នាំ២០២០ថា សង្គ្រាមដែលកងទ័ពស្ម័គ្រចិត្តប្រជាជនចិនចេញទៅជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក ជានិមិត្តរូបសំខាន់មួយក្នុងប្រវត្តិសាស្ត្រចិន ដែលលើកទឹកចិត្តឱ្យប្រជាជាតិចិនបោះជំហានឆ្ពោះទៅរកការស្តារភាពរុងរឿងនៃប្រជាជាតិឡើងវិញ។ ប្រជាជនចិនបានកម្ទេចចោលនូវបំណងរបស់អ្នកឈ្លានពាន ដែលប៉ុនបង់ចង់សម្លាប់សាធារណៈរដ្ឋប្រជាមានិតចិនដែលទើបបង្កើតថ្មី ដណ្តើមបានសុខសុវត្តិភាពនៃប្រទេសជាតិ បានបង្ហាញយ៉ាងពេញលេញ នូវស្មារតីតឹងរឹងដូចដែកថែបរបស់ប្រជាជនចិន ដែលមិនភ័យខ្លាចកម្លាំងហិង្សានោះឡើយ។
លោក ស៊ី ជីនភីង បានបន្តថា សង្គ្រាមដែលកងទ័ពស្ម័គ្រចិត្តប្រជាជនចិនចេញទៅជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក បានបង្ហាញស្មារតីប្រជាជនចិន បានដាំឬសគល់ប្រទេសជាតិនៃសាធារណៈរដ្ឋប្រជាមានិតចិន បានបង្ហាញ់យ៉ាងពេញលេញនូវការប្តេជ្ញាចិត្តដ៏រឹងមាំរបស់ប្រជាជនចិនក្នុងការថែរក្សាសន្តិសុខពិភពលោក និងភាពអង់អាចក្លាហានរបស់កងទ័ពរំដោះប្រជាជនចិនដែលហ៊ានប្រយុទ្ធនឹងសត្រូវហើយយកឈ្នះជាមិនខាន។ ការពិតបានបញ្ជាក់ឱ្យឃើញថា ប្រទេសណាក្តី កងទ័ពណាក្តី មិនថាខ្លាំងប៉ុណ្ណាក្តី បើក្អួតថាអ្នកខ្លាំងអាចធ្វើបាបអ្នកឧនខ្សោយ ប៉ុនប៉ងឈ្លានពានប្រទេសដទៃ ពង្រីកផ្ទៃដីខ្លួន នោះចាំបាច់នឹងបរាជ័យជាមិនខាន។