លោក ស៊ី ជីនភីង ប្រធានរដ្ឋចិនបានអញ្ជើញថ្លែងសុន្ទរកថាសំខាន់ក្នុងកិច្ចប្រជុំកំពូលអបអររំលឹកខួបឆ្នាំទី 75 នៃការបង្កើតអង្គការសហប្រជាជាតិកាលពីថ្ងៃទី 21 ខែកញ្ញាឆ្នាំ2020។ លោកបានសង្កត់ធ្ងន់ថា ប្រទេសចិននឹងធ្វើជាអ្នកអនុវត្តពហុភាគីនិយមជានិច្ច សកម្មចូលរួមការធ្វើកំណែទម្រង់និងការកសាងប្រព័ន្ធអភិបាលកិច្ចពិភពលោក ថែរក្សាយ៉ាងម៉ឺងម៉ាត់នូវប្រព័ន្ធអន្តរជាតិដែលតម្កល់ទុកអង្គការសហប្រជាជាតិជាស្នូល ថែរក្សាយ៉ាងម៉ឺងម៉ាត់នូវសណ្តាប់ធ្នាប់អន្តរជាតិដែលចាត់ទុកច្បាប់អន្តរជាតិជាមូលដ្ឋាន ក៏ដូចជាថែរក្សាយ៉ាងម៉ឺងម៉ាត់នូវតួនាទីស្នូលនៃអង្គការសហប្រជាជាតិក្នុងកិច្ចការអន្តរជាតិ។