ពេលថ្មីៗនេះ ពិធីបដិសណ្ឋារកិច្ចអបអរខួបឆ្នាំទី45 នៃការបង្កើតទំនាក់ទំនងការទូតរវាងថៃនិងចិនបានប្រារព្ធធ្វើនៅស្ថានទូតថៃប្រចាំនៅចិន ។ បន្ទាប់ពីបញ្ចប់ពិធី លោក Arthayudh Srisamoot ឯកអគ្គរាជទូតថៃប្រចាំនៅប្រទេសចិនបានផ្តល់បទសម្ភាសន៍ពិសេសជាមួយអ្នកសារព័ត៌មាននៃអគ្គស្ថានីយវិទ្យុនិងទូរទស្សន៍មជ្ឈិមចិនដោយបានថ្លែងថា 45 ឆ្នាំកន្លងទៅនេះទំនាក់ទំនងថៃ-ចិនកាន់តែជិតស្និទ្ធ ខណៈពេលរីករាលដាលជំងឺកូវីដ19 ប្រទេសទាំងពីរបានរួមគ្នាចែករំលែកបទពិសោធន៍បង្ការនិងប្រយុទ្ធជាមួយវីរុសកូវីដ19 បង្កើនការផ្លាស់ប្តូរព័ត៌មានពាក់ព័ន្ធ ដែលបានបង្កើនទំនុកចិត្តរវាងគ្នាកាន់តែស៊ីជម្រៅ។ ប្រទេសថៃក៏មានបំណងសិក្សារៀនសូត្រនូវពិសោធន៍លុបបំបាត់ភាពក្រីក្ររបស់ចិន និងបន្តបង្កើនកិច្ចសហប្រតិបត្តិការពហុវិស័យជាមួយចិនផងដែរ។
លោកបានបន្តទៀតថា ប្រទេសចិនបានចំណាយពេលត្រឹមតែ 30 ឆ្នាំប៉ុណ្ណោះដើម្បីជួយប្រជាជនចំនួនជាង600 លាននាក់ឱ្យដកខ្លួនចេញពីភាពក្រីក្រ នេះជាសមិទ្ធផលដ៏អស្ចារ្យណាស់។ ការកើនឡើងនៃកម្រិតនគរូបនីយកម្មនិងឧស្សាហូបនីយកម្មរបសចិនបានជំរុញដល់ការលើកកម្ពស់ប្រាក់ចំណូលរបស់ប្រជាជនចិន ក៏ដូចជាការអភិវឌ្ឍនៃសង្គមផងដែរ។ រចនាសម្ព័ន្ធសង្គមរបស់ប្រទេសថៃប្រហាក់ប្រហែលនឹងចិន ដូចនេះសង្ឃឹមថាអាចរៀនសូត្រពីបទពិសោធន៍លុបបំបាត់ភាពក្រីក្ររបស់ប្រទេសចិន៕
