កាលពីយប់ថ្ងៃទី ៤ ខែកញ្ញា លោក ស៊ី ជីនភីង ប្រធានរដ្ឋចិនបានអញ្ជើញថ្លែងសុន្ទរកថាក្នុងកិច្ចប្រជុំកំពូលពាណិជ្ជកម្មសេវាកម្មអន្តរជាតិ នៃពិព័រណ៌ពាណិជ្ជកម្មសេវាកម្មអន្តរជាតិចិនឆ្នាំ 2020។ ឥស្សរជនប្រទេសជាច្រើនដែលបានចូលរួមកិច្ចប្រជុំបានឯកភាពថា ខ្លឹមសារនៃសុន្ទរកថារបស់លោក ស៊ី ជីនភីង បានសង្កត់ធ្ងន់ពីការបើកទូលាយនិងកិច្ចសហប្រតិបត្តិការ ដែលបានប្រកាសជាថ្មីនៃការប្តេជ្ញាចិត្តរបស់ប្រទេសចិនក្នុងការបន្តពង្រីកការបើកទូលាយជាមួយអន្តរជាតិយ៉ាងម៉ឺងម៉ាត់មិនងាករ៉េ និងបានបង្ហាញដល់ទូទាំងពិភពលោកនូវសញ្ញាសំខាន់មួយនោះគឺ “ បណ្តាប្រទេសនានាបើចាប់ដៃគ្នាអាចយកឈ្នះនឹងការរាតត្បាតនៃជំងឺកូវីដ19 បាន ”។ បច្ចុប្បន្ន សភាពការណ៍រាតត្បាតនៃជំងឺកូវីដ19នៅពិភពលោកមិនទាន់ត្រូវបានការគ្រប់គ្រងជាទូទៅទេ ដូចនេះ យើងត្រូវបង្កើនកិច្ចសហប្រតិបត្តិការ ឆ្លងកាត់គ្រាលំបាកជាមួយគ្នា ។ បណ្តាប្រទេសនានាត្រូវផ្តោតលើការបង្កើនការគាំទ្រគ្នាទៅវិញទៅមក តែមិនមែនយកចិត្តទុកដាក់តែផលប្រយោជន៍របស់ប្រទេសខ្លួន៕