កិច្ចប្រជុំកំពូលនៃពិព័រណ៍ពាណិជ្ជកម្មសេវាកម្មចិន-អន្តរជាតិឆ្នាំ២០២០នឹងរៀបចំធ្វើនៅក្រុងប៉េកាំងនាយប់ថ្ងៃទី៤ ខែកញ្ញា។លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិននឹងថ្លែងសុន្ទរកថាក្នុងកិច្ចប្រជុំកំពូលតាមប្រព័ន្ធវីដេអូ។
ពិព័រណ៍ពាណិជ្ជកម្មសេវាកម្មចិន-អន្តរជាតិឆ្នាំ២០២០បានសម្ពោធបើកជាផ្លូវការនៅថ្ងៃទី៤ ខែកញ្ញា ហើយនឹងរៀបចំធ្វើវេទិកានិងការចរចាពាណិជ្ជកម្មជាង១៩០លើក។
អង្គការកម្មសិទ្ធិបញ្ញាពិភពលោក កម្មវិធីស្បៀងអាហារពិភពលោកនិងសមាគមទីក្រុងទេសចរណ៍ពិភពលោកជាដើមនឹងរៀបចំធ្វើវេទិកាជុំវិញប្រធានបទស្តារភាពរុងរឿងឡើងវិញផ្នែកបច្ចេកវិទ្យាហិរញ្ញវត្ថុ ទេសចរណ៍។
ពិព័រណ៍ពាណិជ្ជកម្មសេវាកម្មចិន-អន្តរជាតិឆ្នាំ២០២០នឹងរៀបចំធ្វើក្រោមប្រធានបទផ្តល់សេវាទូទាំងពិភពលោក ផ្តល់ផលប្រយោជន៍ទៅវិញទៅមកនិងចែករំលែកដោយផ្តោតសំខាន់ទៅលើប្រធានបទកីឡារដូវរងា សេវាកម្មវប្បធម៌ សេវាកម្មហិរញ្ញវត្ថុ សេវាកម្មទូរគមនាគមន៍តាមបែបបច្ចេកវិទ្យា៥Gនិងការបង្ការនិងគ្រប់គ្រងជំងឺឆ្លងជាសាធារណៈជាដើម ដើម្បីបង្កើតជាវេទិកាសម្រាប់តភ្ជាប់ទាំងជាតិនិងអន្តរជាតិ៕
